योग अभ्यास सहयोग सामग्री हस्तान्तरण

पहुरा समाचारदाता
धनगढी, २३ कार्तिक । चैतन्य पाठशालासे चैतन्य पाठशाला पतन्जली योग केन्द्र शिवनगरहे योग अभ्यास सहयोग सामग्री एक कार्यक्रम बिच हस्तान्तरण कैगिल बा ।

चैतन्य पाठशालाके संचालक सदस्य पदमबहादुर धानुक चैतन्य पाठशाला पतन्जली योग केन्द्रके संयोजक गोरख खातीहे स्वागत करटी पाठशालाके प्रिन्सिपल अशोकराज खाती योग अभ्यास सहयोग सामग्री हस्तान्तरण करल हुइट । उ कार्यक्रममे चैतन्य पाठशालाके संचालक तथा संचालक निर्देशक उदय प्रताप सिंह, भाईस प्रिन्सिपल कटक बहादुर सिंह, विद्यालय संयोजक रबि साउद तथा समाजसेवी बाल कृष्ण चौधरीके फे उपस्थिती रहल रहे ।

चैतन्य पाठशाला पतन्जली योग केन्द्र शिवनगरमे हरेक दिन बिहान ४.४५ से ६.३० बजेसम नियमित रुपमे योग अभ्यास हुइटी रहल जानकारी केन्द्रके संयोजक गोरख खाती करैलै । ओस्टेक करके भाईस प्रिन्सिपल कटक बहादुर सिंह धनगढी उपमहानगरपालिकामे योग केन्द्र सन्चालन कैना एक ठो बिद्यालय चैतन्य पाठशाला शिक्षासंगे आरोग्य जीवनके लाग योग साधना मार्फत स्थानीय समुदायमे बिगत बर्षसे सकारात्मक योगदान करटी रहल बिचार ब्यक्त करलै ।