सवओभरसियरके मृत्युपाछे गाउँपालिकासे शोक वक्तव्य

पहुरा समाचारदाता
धनगढी, १ अगहन । कैलारी गाउँपालिकामे कार्यरत सव ईन्जिनियर बिशेष चौधरीमे मृत्यु हुइलपाछे गाउँपालिका शोक वक्तव्य जारी करले बा ।

उहाँक निधन हुइलपाछे गाउँपालिका अध्यक्ष राजसमझ चौधरी, उपाध्यक्ष भगवतीकुमारी चौधरी, प्रमुख प्रशासकीय अधिकृत विरबहादुर ऐरसे शोक वक्तव्य जारी कैगिल हो । कार्तिक २५ गतेके दिन कैलाली जिल्लाके चिसापानीके कर्णाली लडियामे डुबके बेपत्ता हुइल उहाँक आज दौलतपुर घाटमे मृत अवस्थामे भेटल ओरसे हुकान असामयिक निधनप्रति दुःख व्यक्त कैगिल बा ।

उहाँसे यी गाउँपालिकामे पुगाइल योगदान ओ निर्वाह करल समन्वयकारी भूमिका सदासर्वदा सम्झना लायक रहल कहल बा । यी दुःखद घडीमे मृतक चौधरीके आत्माके चीर शान्तिके कामना करटी हार्दिक श्रद्धान्जली अर्पण करटी शोकसन्तप्त परिवारजनप्रति गहिरो समवेदना प्रकट कैगिल बा ।