ब्रहमाकुमारी धनगढीके ३२औ वार्षिकोत्सव

२० बर्षसे आवद्धहुकन अभिनन्दन ओ व्रहमाभोजन कार्यक्रम

पहुरा समाचारदाता
धनगढी, ९ अगहन । ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढी कैलाली शनिच्चरके रोज ३२औं बार्षिकोत्सव टमान कार्यक्रमके साथ मनैले बा ।

ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढी कैलालीके प्रमुख संचालिका ब्रहमाकुमारी हिरा डिडिके अध्यक्षतामे हुइल कार्यक्रममे वडका पहुना ब्रहमाकुमारी ईश्वरीय विश्व विद्यालय नेपालके अध्यक्ष ब्रहमाकुमारी परिनीता डिडि रहल रहिट । ओस्टेक विशिष्ट पहुनामे ब्रहमाकुमारी ईश्वरीय विश्व विद्यालय नेपालके महासचिव शैलेशराज बराज, पूर्व सांसद महेश्वर पाठक, सुदूरपश्चिम प्रदेशके पूर्व सभामुख अर्जुन थापा, कैलाली सहायक प्रमुख जिल्ला अधिकारी यज्ञराज जोशी, धनगढी उपमहानगरपालिकाके नगर उपप्रमुख कन्दकला राना रहल रहिट । ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढी कैलाली अपन स्थापनाकालसे सामाजिक रुपान्तरण, राष्ट्र शान्ति ओ मुल्यनिष्ट समाज निर्माणके लाग यी क्षेत्रमे टमान आध्यमिक एवं सामाजिक कार्य करटी आइल क्षेत्रीय राजयोग प्रशिक्षण केन्द्र धनगढी कैलालीके प्रमुख संचालिका ब्रहमाकुमारी हिरा डिडि बटैली ।

ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढी ३२औं बार्षिकोत्सव कार्यक्रमके अवसरमे २० बर्षसे आवद्ध रहलहुकन अभिनन्दन कैगिल बा । अभिनन्दित हुइलमे पार्वती भट्ट, तारा पनेरु, सरस्वती उप्रेती, बेलु महरा, भक्तराज भट्ट, रोहनी विष्ट, नानु सिंह, विरेन्द्रमान श्रेष्ठ, विमला श्रेष्ठ, केशव आचार्य, धर्म आचार्य, इन्द्र शर्मा, राधिका सिंह, महेश जोशी, डम्मरा जोशी ओ गजेन्द्रविर चन्द रहल बटै ।

कार्यक्रममे ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढीके संचालिका ब्रहमाकुमारी दुर्गा बहिनी आर्थिक बर्ष २०७९÷०८० सालमे कैगिल वार्षिक सेवा प्रगती विवरण प्रस्तुत करल रहिट । क्षेत्रीय राजयोग प्रशिक्षण केन्द्र धनगढीसे सावन महिनामे नैतिक मुल्य सम्बन्धी प्रवचन ओ राजयोग साधाना, आध्यमिक प्रवचन राजयोग साधाना ओ प्रसाद वितरण, आध्यत्मिक शिक्षा एवं राजयोग सम्बन्धी प्रशिक्षण साप्तहिक कोर्ष, आध्यत्मिक चित्र म्यूजियम प्रदर्शनी, ध्यान योग कार्यक्रम शिबिर कैगिल बा ।

भदौ महिनामे रक्षाबन्धनके अवसरमे आध्यत्मिक प्रवचन ओ रक्षासुत्र ग्रहण एवं प्रसाद वितरण कैगिल रहे । जेम्ने ३५० जनहन रक्षासुत्र बाँधगिल रहे । कृष्ण जन्माष्टमीके अवसरमे आध्यत्मिक प्रवचन रासलीला एवं प्रसाद वितरण, संस्थाके पूर्व मु्ख्य प्रशासीका (दादी) प्रकाशमणी ज्युके १४ औं श्रद्धाञ्जली अपर्ण कार्यक्रम, महिला शसक्तीकरण एवं तिज मिलन तथा भोग प्रसाद वितरण कार्यक्रम, राष्ट्रिय वाल दिवसके अवसरमे बाल कार्यक्रम कैगिल बा ।

कुवाँर महिनामे पितृ मुक्तिके कामना करटी विसर्जन सोह्रश्राद ब्रहमा भोजन, अहिंसा शान्ति पद यात्र ओ शुभाकामना, विजय दशमीके आध्यत्मिक रहस्य प्रवचन सामुहिक टिका प्रसाद वितरण कार्यक्रम हुइल बा । कार्तिक महिनामे स्नेह मिलन एवं टिका प्रसाद ग्रहण कार्यक्रम, डेवारीके शुभकामना अदान प्रदान कार्यक्रम, भाई टिकाके उपलक्ष्यमे प्रवचन सामुहिक टिका प्रसाद ग्रहण, तनाबमुक्त प्रवचन कार्यक्रम, आत्म परमात्मा अनुभुति राजयोग शिविर, नैतिक मुल्य सम्बन्धी प्रवचन ओ राजयोग साधाना बालशिविर कैगिल बा ।

अगहन महिनामे ब्रहमाकुमारी धनगढीके ३१औं बार्षिकोत्व एवं ब्रहमाभोजन, साप्तहिक कोर्ष बझाङ पडेस, सहजरायोगसे तनावमुक्ती सम्बन्धी प्रवचन, साप्तहिक कोर्ष कार्यक्रम कैगिल बा । पुस महिनामे आध्यत्मिक ज्ञान गोष्ठी तथा स्नेह मिलन कार्यक्रम, लौव बर्ष सन २०२३ के अवसरमे शुभकामना अदान प्रदान ब्रहमाभोजन अखण्ड राजयोग साधाना कार्यक्रम, मनोसामाजिक परामर्श योग ध्यान सकारात्मक सोचके विकास कार्यक्रम कैगिल बा ।

माघ महिनामे माघी मिलन, सस्थाके सस्थापक पिता ब्रहमाके ५४ औ स्मृति दिवस एवं विश्व शान्ति दिवसमे राजयोग साधाना कार्यक्रम, प्रमुख जिल्ला अधिकारी यूवराज कट्टेलके स्वागत तथा स्नेह मिलन तथा पत्रकार भेटघाट कार्यक्रम कैगिल बा । फागुन महिनामे महा शिवरात्रीके अवसरमे शिव ध्वजारोहण लगायत टमान मेरिक कार्यक्रम कैगिल बा । ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढीसे सक्कु महिनामे कार्यक्रम कैगिल बा ।

कार्यक्रममे राजयोगी ब्रहमाकुमार महेन्द्र प्रसाद खनाल संस्थामे अवद्ध रहलहुकनके सम्मानके लाग २० बरस पुगल अवसरमे अभिनन्दन करल बटैलै । उहाँ प्रत्येक बरस अभिनन्दनके कार्यक्रमके निरन्तरता डेनाफे बटैलै । कार्यक्रममे ब्रहमाकुमारी ईश्वरीय विश्व विद्यालय एवं क्षेत्रीय राजयोग प्रशिक्षण केन्द्र धनगढीके सल्लाहकार विरबहादुर जेठरा, कैलाली उद्योग बाणिज्य संघके सिद्धराज आचार्य, धनगढी उपमहानगरपालिकाके नगर उपप्रमुख कन्दकला रानालगायत मन्तव्य व्यक्त करल रहिट । कार्यक्रमके संचालन हेमराज भण्डारी करल रहिट ।

कार्यक्रममे ब्रहमाकुमारी ईश्वरीय विश्व विद्यालयके टमान शाखाके प्रमुख, बौद्धिक व्यक्तित्वहुकनके सहभागिता रहल रहे । यिहे अवसरमे ब्रहमाभोजन कार्यक्रमफे हुइल रहे ।