पहलमानसिंह मेमोरियल सामाजिक लेखा परिक्षण तथा सार्वजनिक सुनुवाई

पहुरा समाचारदाता
पहलमानपुर, १२ अगहन । कैलालीके घोडाघोडी नगरपालिका–११ स्थित पहलमानसिंह मेमोरियल प्राविधिक माध्यमिक विद्यालय अम्बासाके सामाजिक लेखा परिक्षण तथा सार्वजनिक सुनुवाई कार्यक्रम मंगरके रोज सम्पन्न हुइल बा ।

उ विद्यालयके शिक्षक अभिभावक संघके अध्यक्ष धनिराम चौधरीके घरगोस्यामे हुइल कार्यक्रममे वडका पहु्ना विद्यालय व्यवस्थापन समिति अध्यक्ष विपिन आचार्य ओ विशिष्ट पहुना वडा नम्बर ११ के वडा अध्यक्ष दानसिंह जोगी रहल रहिट ।
कार्यक्रममे विद्यालयके शिक्षक सुरेशकु्मार सिंह २ करोड ६४ लाख ३८ हजार ९८२ रुप्या बराबरके आय व्यय प्रस्तुत करल रहिट । कार्यक्रमके संचालन विद्यालयके शिक्षक कुम्भकरण चौधरी करल रहिट ।