थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ फागुन २६४७, बुध ]
[ वि.सं १६ फाल्गुन २०८०, बुधबार ]
[ 28 Feb 2024, Wednesday ]

इन्जिनियर अवस्थीहे कुटपिटके विरोधमे पेनडाउन

पहुरा | १५ मंसिर २०८०, शुक्रबार
इन्जिनियर अवस्थीहे कुटपिटके विरोधमे पेनडाउन

पहुरा समाचारदाता
हसुलिया, १५ अगहन
। कञ्चनपुर जिल्लाके लालझाँडी गाउँपालिकामे कार्यरत रहल ईन्जिनियर रामप्रसाद अवस्थी उप्पर हुइल संघातिक आक्रमणके विरोधमे कैलारीमे विरोध कार्यक्रम कैगिल बा ।

स्थानीय तह कर्मचारी संघर्ष समिति कैलारी ओ यी गाउँपालिका अन्तर्गत कार्यरत कर्मचारीहुकनके ओरसे लालझाँडी गाउँपालिकाके कर्मचारी ईन्जिनियर अवस्थी उप्पर हुइल संघातिक आक्रमणके विरोधमे शुकके रोज ३० मिनेट कालो पट्टि बाँधके पेन डाउन कैगिल कैलारी गाउँपालिका महिला तथा बालबालिका शाखा प्रमुख बालकुमारी चौधरी बटैली ।

लालझाडीकै निर्माण व्यवसायीसमेत रहल भीम रानाके समूहसे अवस्थीउप्पर कुटपिट करल हो । कन्दकला कन्स्ट्रक्सनके सञ्चालक राना गाउँपालिकाके इन्जिनियर अवस्थीहे सडक निरीक्षण करे बोलाके निर्माणस्थलमे कुटपिट करल हुइट ।
गैल आर्थिक वर्षमे लेहल सडक निर्माणके ठेक्काके साइट निरीक्षणके क्रममे इन्जिनियर अवस्थीउप्पर रानाके समूहसे कुटपिट करल विषय सार्वजनिक हुइल बा ।

पालिकाके बजेटमे करिब ६२ लाखके लागतके निर्माण हुइटी रहल कञ्जबजार सडक स्तरोन्नति योजनाके ठेक्का पाइल रानाहे सडकमे दारल बेसमे सुधार करे पर्ना सुझाव डेहलपाछे अपनहे कुटपिट करल इन्जिनियर अवस्थी बटैलै ।

जनाअवजको टिप्पणीहरू