कैलारीमे मावि स्तरीय हाजिरी जवाफ प्रतियोगिता
पहिल स्थान ब्राइटस्टर, दु्सरामे लक्ष्मी मावि ओ टिसरामे बोण्ड इंगालिस बोर्डिङ
पहुरा समाचारदाता
हसुलिया, ८ पुस । कैलाली जिल्लाके कैलारी गाउँपालिकामे रहल संस्थागत ओ सामुदायिक विद्यालयके मावि स्तरीय हाजिरी जवाफ प्रतियोगिता अँटवारके रोज हसुलियामे सम्पन्न हुइल बा ।
कैलारी गाउँपालिका शिक्षा शाखाके आयोजना तथा कृषि विकास विकास बैंकके सहकार्यमे गाउँपालिकामे रहल संस्थागत ओ सामुदायिक विद्यालयके मावि स्तरीय हाजिरी जवाफ प्रतियोगिता हुइल हो ।
हाजिरी जवाफ प्रतियोगितामे कैलारी गाउँपालिकाके १३ विद्यालयके ९८ जाने विद्यार्थीनहे सहभागिता रहल रहे । हाजिरी जवाफ प्रतियोगितामे एक विद्यालयके तीन जाने विद्यार्थीनहे सहभागी करागिल रहे । कैलारी गाउँपालिकाके अभिभावक शिक्षण सस्था दिपेन्द्र माविसे सहजीकरण करल रहे । जेम्ने उ विद्यालयके प्रअ विनो भट्टराई ओ शिक्षक नारायण ढकाल सहजकर्ताके भूमिका निर्वाह करल रहिट ।
प्रतियोगितामे सहभागि सक्कु विद्यालय विच कडा प्रतिस्पर्धा हुइल रहे । जिहीसे विद्यार्थीके अध्ययनसंग्गे अतिरिक्त क्रियाकलापमे ज्ञान बह्रल कैलारी गाउँपालिका शिक्षा शाखा प्रमुख गणेश प्रसाद मिश्र बटैलै । उहाँ कहलै, ‘अब्बे विद्यालयमे अर्धबार्षिक परिक्षाके तयारी हुइटा । प्रतियोगितामे सहभागी विद्यार्थीहुकन यिहीसे ज्ञान बह्रल हुई । नइजानल चिज सिख्ना मौका प्रदान हुई सेक्ना विश्वास व्यक्त करलै ।
प्रतियोगितामे पहिल स्थान ब्राइटस्टर बोडिङ स्कूल आइल बा । दु्सरामे लक्ष्मी मावि पृथ्वीपुर ओ टिसरामे बोण्ड इंगालिस बोर्डिङ आइल बा । विद्यार्थीनहे हाजिरी जवाफ प्रतियोगिता संग्गे वित्तीय साक्षरता सम्बन्धी जानकारी डेहल रहे । ओम्ने सहजीकरण कृषि विकास बैंक हसुलिया शाखाके प्रवन्धक नरेश अवस्थी ओ कृषि विकास बैंक धनगढी प्रदेश कार्यालयके शाखा प्रबन्धक प्रदीपराज जोशी करल रहिट ।
मावि स्तरीय हाजिरी जवाफ प्रतियोगितामे संस्थागत ओ सामुदायिक विद्यालयके प्रअ तथा शिक्षकहुकनफे सहभागिता रहल रहे ।
