कैलारीके हिउँदे अधिवेशन पुस २४ गतेसे

पहुरा समाचारदाता
हसुलिया, २१ पुस । कैलारी गाउँपालिकाके आर्थिक बर्ष २०८०÷०८१ हिउँदे अधिवेशनके पहिल गाउँसभा बैठक यिहे पुस २४ गते बैठना हुइल बा ।

गैलके शुकके रोज गाउँपालिका अध्यक्ष राजसमझ चौधरीके अध्यक्षतामे हुइल कार्यपालिकाके बैठकसे यी आर्थिक बर्षके हिउँदे अधिवेशनके मिति तय करल हो । गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत विरबहादुर ऐर, वडा अध्यक्षहुक्रे, कार्यपालिका सदस्यहुकनके सहभागितामे बैठल बैठक अधिवेशनके मिति तोकल रहे । यिहे अइना पुस २४ गते विहान ११ बजे हुइना हिउँदे अधिवेशनके पहिल बैठकमे सक्कु वडाके गाउँसभा सदस्य ओ कर्मचारीहुकनहे सहभागिताके लाग अनुरोध कैगिल बा ।