हिमशिखर सहकारीके १५ औ वार्षिक साधारण सभा

पहुरा समाचारदाता
धनगढी, २२ पुस । धनगढीमे केन्द्रीय कार्यालय रहल हिमशिखर बहुद्देश्यीय सहकारी संस्था १५ औं बार्षिक साधारणसभा निम्जल बा ।

सहकारीके अध्यक्ष दुर्गाप्रसाद भण्डारीके अध्यक्षतामे हुइल कार्यक्रममे सुदूरपश्चिम प्रदेशके सहकारी रजिष्टार टीकाराम थापा सहकारीसे सक्कु जनहनके आशा ओ भरोशा अनुसार काम करे पर्ना बटैलै । उहाँ सञ्चालक समितिहे मार्गदर्शन डेना ओ पारदर्शी औचित्य प्रभावकारी सुझावकेफे महत्वपूर्ण रहल बटैलै ।

संसथाके प्रबन्धक महेन्द्र शाही संस्थाके कुल आम्दानी रु १० करोड ५० लाख ११ हजार ७३४ पुगल बटैलै । सहकारीके शेयर पुँजी ३ करोड ५० लाख ९० हजार एक सय ओ बचत निक्षेप रु ३९ करोड ६३ लाख ९३ हजार सात रहल बा कलेसे ऋण लागानी तथा असुली रु ५५ करोड ७१ लाख ५१ हजार १३८ रहल बा । साधारणसभामे सहकारीके उपाध्यक्ष रोशन सिंह स्वागत मन्तव्य व्यक्त करल रहिट कलेसे सचिव विमल जोशी कार्यक्रमके सहजीकरण करल रहिट ।

टमान व्यक्ति सम्मानित

हिमशिखर सहकारी संस्थाके १५ औं बार्षिक साधारणसभामे सहकारी क्षेत्रमे महत्वपूर्ण योगदान पुगैना गौरीगंगा नगरपालिकाके नगर उपप्रमुख भोजबहादुर बमहे सम्मानित करले बा । ओस्टेक करके गोरखापत्र दैनिकके सुदूरपश्चिम संयोजक तथा अनुमोदन दैनिकके प्रकाशक सम्पादक प्रकाश विक्रम शाह सम्मानित हुइल बटै । शाह सहकारीके क्षेत्रमे कलम चलाके उत्कृष्ट योगदान पुगाइल कहटी नगदसहित सम्मानित करल हो । जेष्ठ नागरिक दिर्धराज जोशी, पदम सिहँ कलेल, उत्कृष्ट बचत कर्ता, ऋणी तथा सहकारीके कर्मचारीहेफे साधारणसभामे सम्मानित कैगिल बा ।