थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

कैलारीके वडा नम्बर ३ ओ ४ मे जेष्ठ नागरिकहुकनहे कमरा वितरण

पहुरा | २८ पुष २०८०, शनिबार
कैलारीके वडा नम्बर ३ ओ ४ मे जेष्ठ नागरिकहुकनहे कमरा वितरण

पहुरा समाचारदाता
हसुलिया, २८ पुस ।
कैलारी गाउँपालिका वडा नम्बर ३ ओ ४ मे लक्षित वर्ग कार्यक्रम अन्र्तगत जेष्ठ नागरिक, एकल महिला, अपाङता रहल व्यक्तिहुकनहे कमरा वितरण कैगिल बा ।

वडा नम्बर ३ मे ४ सय १५ जनहनहे कमरा वितरण करल वडा अध्यक्षता सन्तराम चौधरी बटैलै । उहाँ कहलै, अब्बे जारके मौसम बा, जेष्ठ नागरिकहुकन सम्मानके लाग कमरा वितरण करल हुई ।

कमरा वितरण कार्यमे वडा सदस्यहुक्रे, नेपाली काँग्रेस कैलारीके सभापति कृष्णा प्रसाद चौधरीलगायतके उपस्थिति रहे ।

ओस्टेक करके वडा नम्बर ४ मेफे लक्षित वर्ग कार्यक्रम अन्र्तगत ५ सय ३० जनहनहे कमरा वितरण करल वडा अध्यक्ष ठागुराम चौधरी बटैलै । उहाँ कहलै, ‘जारके मौसममे सबसे ढेर प्रभावित जेष्ठ नागरिक, बालबालिका पर्ना ओरसे जुरारसे बँचैना जरुरी बा । जुरारसे बचाई नइसेक्लेसे निमोनियालगायत सर्दी खोखी लग्ना सम्भावना रहठ ।’

कमरा वितरणसे जेष्ठ नागरिक अपनहे सम्मानके महशुस हुइलफे उहाँ बटैलै । कमरा वितरण कार्यक्रममे कार्यपालिका सदस्य, वडा सदस्यहुकनकेफे सहभागिता रहे ।

जनाअवजको टिप्पणीहरू