जुरार बह्रटी गैलपाछे कैलारीके विद्यालयमे जार विदा
पहुरा |
७ माघ २०८०, आईतवार

पहुरा समाचारदाता
हसुलिया, ७ माघ । मौसम सुधार नइहुइलपाछे कैलारी गाउँपालिकाके सामादायिक विद्यालय ओ संस्थागत विद्यालयमे माघ १२ गतेसमके लाग जार विदा डेहल बा ।
जुराके कारण विद्यार्थीके स्वास्थ्यमे प्रतिकुल असर पर्ना हुइल ओरसे सामुदायिक तथा संस्थागत विद्यालयमे जार विदा डेगिल कैलारी गाउँपालिकाके अध्यक्ष राजसमझ चौधरी बटैलै । गाउँपालिकाके अँटवारके रोज निर्णयानुसार यी गाउँपालिका अन्र्तगत संञ्चालित सक्कु सामुदायिक तथा संस्थागत विद्यालयमे माघ ८ से १२ गतेसम जार विदा डेहल उहाँ जनैलै ।
ओस्टेक जुरार बह्रटी गैलपाछे पालिकाके मुख्य–मुख्य बजार ढेर मनैनके आवात जावत रना ठाउँ–ठाउँमे काठी वितरण करजैटी रहल अध्यक्ष बटैलै ।
