थारू पहिचान बचाइक लाग मजगाउँमे माघ महोत्सव

पहुरा समाचारदाता
धनगढी, १० माघ । थारू समुदायके हेरैटी गैल लोककला, रिती संस्कृति, संरक्षण सम्र्बद्धन तथा पहिचान बचाइक लाग मजगाउँमे माघ महोत्सव हुइना हुइल बा ।

‘संस्कृति संरक्षण, स्थानीय पर्यटन ओ आधुनिक कृषि प्रर्वद्धनके लाग एकजुट हुइ’कना मुल नाराके साथ गोदावरी नगरपालिका वडा नम्बर ८ मजगाउँमे तीनदिने माघ महोत्सव आयोजना हुइना हुइल हो ।

थारू कल्याणकारिणी सभा गोदावरी नगरसमिति ओ बरघर भलमन्सा नगरसमितिके आयोजनामे माघ १२, १३ ओ १४ गते महोत्सव आयोजना करे लागल सभाके नगर अध्यक्ष जनकलाल चौधरी बटैलै ।

‘थारू समुदायके पहिचानसँग जुरल लोककला, रितीसंस्कृति, गीतबास, रितीरिवाज, चालचलन, बोलीभाषा, लवाई खवाई दिनप्रति दिन हेरैटी गैल बा, उहीहे संरक्षण सम्वद्र्धनके लाग महोत्सव आयोजना करे लागल बाटीँ’,उहाँ कहलै ।

थाकस कैलालीके पूर्व कावा सभापति माधव चौधरी थारू समुदायके संस्कृति संरक्षण तथा ऐतिहासिक बस्तु जगेर्ना कैना उद्देश्य सहित महोत्सव आयोजना करे लागल बटैलै । यकर साथे उहाँ स्थानीय पर्यटन, आधुनिक कृषि प्रवर्धन ओ पर्यावरण संरक्षणके लाग फेन महोत्सव आयोजना करे लागल बाटी ।

उहाँ कहलै,‘थारू समुदाय लोककला, रितीसंस्कृति ओ ऐतिहासिक बस्तुके जगेर्ना ओ स्थानीय पर्यटन तथा आधुनिक कृषि प्रर्वद्धनके लाग महोत्सवके आयोजना करे लागल बाटी । इहीसे समाजके लाग सकारत्मक भूमिका खेल्नाबा ।’

महोत्सवके प्रदेशका भुमि व्यवस्था, कृषि तथा सहकारीमन्त्री रामेश्वर चौधरीसे समुद्घाटन हुइनाआयोजक जनैले बा । महोत्सवमे स्थानीय भाँकी प्रदर्शनके साथेथारू राष्ट्रिय कलाकारहुक्रनके बेजोड प्रस्तुति रहना बा । महोत्सवमेऐतिहासिक थारू खानपानके व्यवस्था, थारू कला संस्कृतिके जगेर्ना सम्बन्धी विविध कार्यक्रम, थारू समाज सेवा तथा प्रतिभावान व्यक्तिहे सम्मान, हिरोल्ना, चर्खा तथा अन्य रमाइलो मेला प्रदर्शन हुइना आयोजकले जनैले बा ।

महोत्सवमे थारू परिकार, कृर्षि उपज, स्थानिय उत्पादन लगायत १५ से ढेर स्टल रहना बा । महोत्सवमे २६ गाउँके थारू नाच प्रस्तुत हुइना फेन आयोजक जनैले बा । पाँच लाख अनुमानित लगानीमे हुइ लागलमहोत्सवमे हजारौँसे अवलोकन कैना अनुमान करल बा ।

महोत्सवहे सफल बनाइक लाग अध्यक्ष जनकलालके संयोजकत्वमे मुल आयोजक समिति गठन फेन हुइल बा ।