थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

योजना कार्यान्वयन अभिमुखीकरण तालिम

पहुरा | १२ माघ २०८०, शुक्रबार
योजना कार्यान्वयन अभिमुखीकरण तालिम

पहुरा समाचारदाता
हसुलिया, १२ माघ ।
योजना उपभोक्ता समितिके पदाधिकारीहुकनहे योजना कार्यान्वयन सम्बन्धी एक दिने अभिमुखीकरण तालिम डेहल बा ।

कैलारी गाउँपालिकाके आयोजनामे वडा नम्बर ६ मे संचालित योजनाके उपभोक्ता समितिके पदाधिकारीहुकनहे योजना कार्यान्वयन सम्बन्धी एक दिने तालिम शुकके रोज बनकट्टामे डेगैलक योजना शाखा प्रमुख सन्तोषकुमार चौधरी बटैलै ।
यिहे आर्थिक बर्षमे सम्झौता हुइल योजनाके उपभोक्ता समितिके पदाधिकारी (अध्यक्ष, सचिव, कोषाध्यक्षहुकनहे तालिम डेहल उहाँ बटैलै ।

तालिममे योजनाके भुक्तानी प्रक्रिया, बजेट निर्माण, बस्ती भेला, योजना छनौट प्रक्रिया, समयमे योजना सम्पन्न कैना प्रक्रिया, कौन रकम फ्रिज जैना, कौन रकम फ्रिज नइजैना, विल भपाई, कागजात मिलैना प्रक्रियाबारे जानकारी डेहल बा ।
तालिममे अनुगमन करटी गाउँपालिका उपाध्यक्ष तथा पालिका स्तरीय अनुगमन समिति संयोजक भगवतीकुमारी उपभोक्ता समितिसे योजनाके बजेट अनुसार काम कैना जरुरी रहल बटैली ।

कार्यक्रम वडा नम्बर ६ के वडा अध्यक्ष प्रेमबहादुर चौधरीके अध्यक्षतामे हुइल कार्यक्रममे उपभोक्ता समितिके गोरबहादुर विक, वडा सदस्य सुनिला चौधरी लगागत मन्तव्य व्यक्त करल रहिट । कार्यक्रममे स्वागत मन्तव्य वडा सचिव अन्नत कँडेल करल रहिट । तालिमके मुख्य प्रशिक्षक योजना शाखा प्रमुख सन्तोषकुमार चौधरी ओ असिस्टेन्ट सबइन्जिनियर निर्मल चौधरी करल रहिट ।

जनाअवजको टिप्पणीहरू