घोडताल सामुदायिक वनके ११औं वार्षिक साधारणसभा

जीवन चौधरी
पहलमानपुर, १८ माघ । कैलालीके भजनी नगरपालिका–९ हिम्मतपुरस्थित घोडताल सामुदायिक वन उपभोक्ता समुहके ११औं वार्षिक साधारणसभा तथा सार्वजनिक सुनुवाई कार्यक्रम सम्पन्न हुइल बा ।

समुहके अध्यक्ष रामप्रसाद चौधरीके अध्यक्षतामे हुइल कार्यक्रममे वरका पहुना सिएफसिसि भजनीके अध्यक्ष खोजराम चौधरी रहल रहिट । कार्यक्रममे सम्बोधन करटी उहाँ जनसहभागिता ओ पारदर्शिता विन सामुदायिक फस्टाई नइसेक्ना बटैलै । उहाँ जवाफडेहितासंगे विधिके शासनमे रहिके काम कैना आग्रह करलै ।

कार्यक्रममे खास पहुना सव डिभिजन वन कार्यालय पचमुरियाके रेन्जर केशव पोख्रेल वन कार्यालयसे हुइना सहयोग करटी आइल बटैलै । अइनामे सहकार्य रहना जनैलै ।

पहुरा दैनिक पहलमानपुर समाचारदाता जीवन चौधरी यी समुदायिक वनसे पारदार्शि रुपमे आघे ओ उपभोक्ता खुशी हुइल बटैलै । कार्यक्रममे समुहके कोषाध्यक्ष यमुना दर्लामी मगर शुभकामना मन्तव्य व्यक्त करल रहिट ।

कार्यक्रमके संचालन ओ आयव्यय समुहके सचिव खगीसरा सिजालीमगर प्रस्तुत करल रहिट । कलेसे स्वागत मन्तव्य हिम्मतपुर यूवा क्लवके अध्यक्ष पहलबहादुर पुन मगर राखल रहिट ।