फागुनमे गौरीगंगा गोल्ड कप हुइना
पहुरा समाचारदाता
धनगढी, २४ माघ । कैलालीके गौरीगंगामे फागुनमे गौरीगंगा गोल्ड कप हुइना हुइल बा । बुधके पत्रकार सम्मेलनके आयोजना कैटी गौरीगंगा ११ स्पोर्टस क्लबसे प्रतियोगिताके तयारी सुरु करल जनैले बा ।
फागुन १९ गतेसे २८ गतेसम हुइना प्रतियोगिताके विजेता ६ लाख सहित ट्रफि, मेडल पैना बाटै । ओस्टके उपविजेता ३ लाख ट्रफि, मेडल पैनाआयोजक गौरीगंगा ११ स्पोर्टस क्लबके अध्यक्ष दिनेश कलेल जानकारी डेलै ।
उत्कृष्ट खेलाडी ५० हजार, प्रत्येक विधाके उत्कृष्ट खेलाडीहे १५/१५ हजार पैना ओ प्रत्येक खेलके उत्कृष्ट खेलाडी ५ हजार पैना अध्यक्ष कलेल जानकारी डेलै ।
उहाँ चौथो संस्करणके खेलके तयारी सुरु हुइल जानकारी डेलै । प्रतियोगितामे सुदूरपश्चिम प्रदेशके १० टिम सहभागिता जनैना जनाइल बा । प्रतियोगिता गौरीगंगाके लिक्मा खेलमैदानमे आयोजना हुइना जनाइल बा ।
पत्रकार सम्मेलनमे अध्यक्ष कलेल खेलाडी उत्पादन ओ खेल क्षेत्रके विकासके लाग खेलकुद मैदान आवश्यक रहल बटाइल रहिट । गौरीगंगा नगरपालिकाके उपप्रमुख भोजबहादुर बम खेलकुदके विकासके लाग स्थानीय सरकार सेक्ना सहयोग कैना बटैलै ।
