ब्रोकर नं. ३४ से धनगढीमे लगानीकर्ता सचेतना कार्यक्रम कैना

पहुरा समाचारदाता
धनगढी, २ फागुन । भिजन सेक्युरिटिज प्रालि (स्टक ब्रोकर नं. ३४)से सुदूरपश्चिम प्रदेशके राजधानी धनगढीमे सेयर कारोबार सम्बन्धी ज्ञान अभिबृद्धिके लाग एक दिने लगानीकर्ता सचेतना अभिवृद्धि कार्यक्रम सञ्चालन करेक लाग बा ।

भिजनसे यिहे फागुन ५ गते शनिबार धनगढीस्थित ओम प्यालेसमे निशुल्क रुपमे सेयर कारोबार सम्बन्धी ज्ञान अभिवृद्धिके लाग एक दिने लगानीकर्ता सचेतना अभिवृद्धि कार्यक्रम सञ्चालन करे लागल हो । संस्थागत सामाजिक उत्तरदायित्व अन्तर्गत उ कार्यक्रमके आयोजना कैना भिजन सेक्युरिटिज जनैले बा ।

कार्यक्रममे दुसरा बजारमे कारोवार करेक लाग आवश्यक प्रक्रिया, लगानीकर्तासे ध्यान डेहे पर्ना विषय, अनलाइन कारोबारसम्बन्धी व्यवस्थालगायतके विषयमे कार्यक्रममे दुसरा बजारमे कारोबार करेक लाग आवश्यक प्रक्रिया, लगानीकर्तासे ध्यान डेहे पर्ना विषय, लगानीकर्तासे कैना गल्ती, लगानी करेबेर ध्यान डेहे पर्ना बाट ओ अनलाइन कारोबारसम्वन्धी व्यवस्थालगायतके विषयमे जानकारी डेना भिजन धनगढी शाखाके माया जोशी बटैली ।

ओस्टेक करके धितोपत्र बजारसम्बन्धी नीति, नियम तथा प्रावधानके साथे सेयर बजारमे हुइना जोखिम तथा प्रतिफल, कम्पनीके आधारभूत प्राविधिक विश्लेषणलगायतके बारेमे सहभागीहे प्रशिक्षित करैना जोशी जानकारी डेली ।
कार्यक्रममे भिजन सेक्युरिटिजके कार्यकारी अध्यक्ष राजकुमार तिमिल्सिना ओ सेयरबजारविज्ञ तथा विश्लेषक सुवासचन्द्र भट्टाराई प्रशिक्षण डेना बटाइल बा । कार्यक्रममे निशुल्क प्रवेशके व्यवस्था रहल ओ सेयरबजारमे कारोबार करटी रहल ओ लग्ना रुची रहल सक्कुहुनहे उ प्रशिक्षण सहभागी हुइना भिजन आमन्त्रण करले बा ।

धितोपत्र बजारके पहुँच नइपुगल क्षेत्रहे लक्षित करके लगानीकर्ता सचेतना अभिवृद्धि कार्यक्रम आयोजना करटी आइल भिजन जनैले बा । भिजनसे धितोपत्र कारोबारके विकास तथा विस्तारके लाग उपत्यका बाहिर धनगढीसहित ९ ठो ओ उपत्यकाभिटरके ३ ठो करके १२ स्थानमे शाखा विस्तार करके सेवा प्रवाह करटी रहल बा ।