अभिभावकहुकनहे समुदायमे आधारित मनोसामाजिक सहयोग सम्बन्धी अभिमुखिकरण

पहुरा समाचारदाता
सुखड, ३ चैत । वल्र्ड भिजन इन्टरनेनल नेपाल ओ बाल कल्याण संघ टिकापुरके सयुक्त साझेदारीमे संचालित एकीकृत बाल सरक्षण तथा सामुदायिक सहभागिता परियोजना अन्तर्गत अभिभावकहुकनके लाग समुदायमे आधारित मनोसामाजिक सहयोग सम्बन्धी अभिमुखिकरण कार्यक्रम सम्पन्न हुइल बा ।

समुदायमे बह्रटी गैल मनोसामाजिक समस्याके कारण बालबालिकाहुकनमे असर परटी गैल ओरसे परियोजनामे दर्ता हुइल ३० जाने बालबालिकाहुकनके अभिभावकहे समुदायमे आधारित मनोसमाजिक सहयोग सम्बन्ध अभिमुखिकरण कार्यक्रम कैगिल हो ।

टमान कारणसे दिन प्रतिदिन मनोसामाजिक समस्या बह्रल ओ जेकर कारण शारीरिक, मानसिक, भावनात्मक ओ पारिवारिक सम्बन्धमे असर परटी रहल बेला परिवारमे झैझगडा, कलह, मेलमिलाप नइहुइल कारण बालबालिकामे प्रभाव परके विद्यालय छोरना, बाल विवाह, लागुपदार्थके प्रयोग ओ आत्माहत्या करुइयाके संख्या बालबालिकामे आत्यधिक डेखा परल कारण ओसिन घटना न्यूनिकरण करेक लाग अभिभावकहुकनहे क्षमता अभिवृद्धिके कार्यक्रम हुइल बालकल्याण संघ टीकापुरके मनोपरामर्शकर्ता बिष्णा चौधरी बटैली ।

कार्यक्रममे सहजीकरण करटी उहाँ मनोसामाजिक अवधरणा, मनोसामजिक समस्या हुइना कारण ओ मनोसामाजिक समस्यासे बालबालिकामे पर्ना असर तथा प्रभाव, मनोसामाजिक समस्यामे परल बालबालिकाहुकनके पहिचान ओ समस्यामे परल बालबालिकाहुक्रे डेखैना लक्षण, स्वभाव ओ ओसिन समस्या परल बालबालिकाहुकनहे मनोसामाजिक स्याहार कैना सीप, मनोपरामर्शके लाग केश हस्तान्तरण कैना सिफारिस प्रणाली, प्रक्रियाबारे अभिभावकहुकनके भूमिका, महत्वबारे जानकारी करैले रहिट ।