गाउँपालिकाभिटर संचालित योजनाके अनुगमन

पहुरा समाचारदाता
हसुलिया, २२ फागुन । कैलारी गाउँपालिकाभिटर संचालनमे रहल टमान योजनाके अनुगमन समितिसे विफेक रोज रोज अनुगमन कैगिल बा ।

पालिकास्तरीय अनुगमन समितिके संयोजक भगवतीकुमारी चौधरीके नेतृृत्वमे वडा नम्बर १ स्थित हरिनगर, डम्मारा ओ मनाउँमे कैगिल सडक ग्राभेलके स्थलगत अनुगमन कैगिल हो ।

अनुगमनके क्रममे सडकमे दारगिल ग्राभेलके चेक कैगिल बा । अनुगमनमे समितिके संयोजक भगवतीकुमारी चौधरी, वडा नम्बर ६ के वडा अध्यक्ष प्रेमबहादुर चौधरी, कार्यपालिका सदस्य सुनिला चौधरी, कार्यपालिका सदस्य लालबहादुर विक, प्राविधिक असिस्टेन्ट सबइन्जिनियर संजय कठरियालगायतके उपस्थिति रहे ।