विपद जोखिम न्यूनिकरण तालिम निम्जल

पहुरा समाचरदाता
हसुलिया, २८ चैत । कैलारी गाँउपालिकाके आयोजना तथा नेपाल रेडक्रस सोसाइटी, विपद् जोखिम व्यवस्थापनमा सवलताका लागि सहकार्य परियोजनाके प्राविधिक सहयोगमे हसुलिषमे हुइल तीन दिने तालिम सम्पन्न हुइल बा ।

कैलारी गाउँपालिकाके उपाध्यक्ष भगवतीकुमारी चौधरीके अध्यक्षतामे हुइल तालिम समापन कार्यक्रममे उहाँ विपद जोखिम न्यूनिकरण परम्पगत विधि प्रक्रियासे करे सेक्ना बटैली । उहाँ तालिममे सिखल बाट अब्बेसे अभ्यास कैना आग्रह करली ।
कार्यक्रममे नेपाल रेडक्रस सोसाइटी कैलालीके उपसभापति जगदीश्वर पण्डित हम्रे विपद आइलपाछे ढेर खर्च कैठी, ओटरे खर्च विपद जोखिम न्युनिकरण पूर्व तयारीके करे पर्ना आवश्यक रहल बटैलै ।

बुधके रोजसे सुरु हुइल तालिममे सहजीकरण तथा प्रशिक्षण नेपाल रेडक्रस सोसाइटी कैलालीके स्ट्रोन इन डिआरएम परियोजना अधिकृत मुकेश चन्द्र गौतम, नेपाल रेडक्रस सोसाइटी कैलाली धनसिहंपुर उपशाखा सभापति रतन टमट्टा, स्ट्रोन इन डिआरएम परियोजनाके पालिका सहायक प्रकाश डाँगी, तपेन्द्र तिमिल्सिना करल रहिट । तालिम समापन कार्यक्रमके संचालन कैलारी गाउँपालिकाके सामाजिक विकास शाखा प्रमुख यगम कलेल करल रहिट ।