थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

गठबन्धनमे गडबडपाछे माधवके ब्रिफिङ प्रचण्ड ओ ओली सहमति पालना नइकरलै

पहुरा | ३ बैशाख २०८१, सोमबार
गठबन्धनमे गडबडपाछे माधवके ब्रिफिङ प्रचण्ड ओ ओली सहमति पालना नइकरलै

काठमाडौँ, ३ बैशाख । नेकपा (एकीकृत समाजवादी) के अध्यक्ष माधवकुमार नेपाल एमाले अध्यक्ष केपी शर्मा ओली ओ प्रधानमन्त्री समेत रहल माओवादी केन्द्रके अध्यक्ष पुष्पकमल दाहाल ‘प्रचण्ड’ अपनसंग करल सहमति कार्यान्वयन नइकरल बटैले बटै ।

सोम्मार पार्टी केन्द्रीय कार्यालय आलोकनगरमे उपलब्ध सचिवालय सदस्यसंगके छलफलके क्रममे अध्यक्ष नेपालसे सुदूरपश्चिम प्रकरण ओली ओ प्रचण्डसे सहमति पालना नइकरेबेरके परिणाम रहल ब्रिफिङ करल हुइट ।
उ क्रममे अध्यक्ष नेपालसे अपन पार्टी अब्बेक समीकरण भत्कैना ओर नइलग्ना मने हेप्के ओ पेलकेफे बैठे नइसेक्ना निष्कर्ष सुनैले रहिट ।

‘प्रधानमन्त्री ओ एमाले अध्यक्ष ओलीसे हम्रहिनसे करल सम्झौता पालना नइहुइल । केन्द्र ओ प्रदेश सरकार सञ्चालनमे उहाँहुक्रे एकलौटी ढंगसे आघे बह्रे खोजल विल्गागिल, अध्यक्ष नेपालके कहाईहे उद्धृत करटी उपमहासचिव समेत रहल जगन्नाथ खतिवडा कहलै, ‘यी सरकार ढाल्न इशारा काफी बा । मने अब्बे हम्रे ओहोर नइलग्बी ।’
उ क्रममे अध्यक्ष नेपाल यी आघे ओली ओ प्रचण्ड दुनुके आग्रहअनुसार अपनेहुक्रे सत्ता समीकरणमे जोरल बटैले रहिट ।

‘वामपन्थीके नेतृत्वमे रहल गठबन्धन हुइल ओरसे सहभागी हुई परठ कना मान्यताअनुसार हम्रे सहभागी हुइल हुई । मने गठबन्धनमे हम्रे संलग्न हुइना आघे ओली ओ प्रचण्डसे जा बाट करल रहिट ओ जा सहमति हुइल रहे । उ सहमति कार्यान्वयन कैना ओ पालना कैना बाटमे एकपाछे दुसर छोरटी गैलै । जिहीसे सुदूरपश्चिममे प्रकट हुई पुगल, अध्यक्ष नेपाल कहलै ।
अध्यक्ष नेपाल सुदूरपश्चिमके मुख्यमन्त्री एकीकृत समाजवादीहे डेना सहमति हुइलपाछे उ उ सहमति कार्यान्वयन नइहुइल बटैले रहिट ।

‘एकपाछे दुसर सहमति पालना नइकरल अवस्था आइल, अध्यक्ष नेपालके कहाई उद्धृत करटी सचिव श्रेष्ठ कहलै, ‘सुदूरपश्चिममे जा डेखगिल उ हमार नीतिसेफे वहाँक संघरीयनमे डेखल असन्तुष्टि हो ।’
अध्यक्ष नेपाल अपनेहुक्रे सत्ता गठबन्धनमे सहभागी हुके मुलुकके भविष्य ओ कम्युनिस्ट आन्दोलनहे सहयोग पुग्न बुझके सहयात्री बन्लेसेफे विगतके कोर्ष करेक्सनओर प्रचण्ड ओ ओली नइलागल विश्लेषण सुनैले रहिट । अध्यक्ष नेपालसे राष्ट्रियसभा उपाध्यक्ष, उपचुनाव, राष्ट्रियसभा सदस्यमे मनोनीतके साथे मुख्यमन्त्रीके सवालमे समेत कोर्ष करेक्सनओर दुई नेता नइलागल बटैले रहिट ।

‘श्रृखलाबद्ध रूपमे सहमति पालना नइहुइठो । संघीय ओ प्रदेश सरकारमे संलग्न रहन तथा पोजिसनअनुसार सहभागिता ओ सर्भिस डेलिभरी कैना बाटमे समझदारी विकास कैना बाटमे दरार उत्पन्न हुइल बा’, अध्यक्ष नेपालके कहाई रहे । उहाँ गठबन्धन टिकाई पर्ना ओ बिग्रल कोर्ष करेक्सनओर लागे पर्नामे जोड डेहल श्रेष्ठके कहाई बा ।

सोम्मार केल एमाले अध्यक्ष ओलीसे नेकपा एकीकृत समाजवादी लक्षित टिप्पणीसेफे ओली कोर्ष करेक्सनके पक्षमे नइरहल अध्यक्ष नेपालसंगके छलफलमे सहभागी नेताहुक्रे बटैले रहिट । जवाफमे अध्यक्ष नेपालसे अब्बे अपनेहुकनहे भड्कैना ओ उत्तेजित करके फेर दुसर समीकरण बनाके फाइदा उठैना ओर सचेत हुई पर्नामे जोड डेहल रहिट ।
‘गठबन्धनसे बाहेर गैले जाए कना ओ ओकरपाछे नयाँ खालके परिस्थिति सिर्जना करके उहीसे नयाँ अवसरके लाग भूमिका खेललफे र्हुई सेकठ, अध्यक्ष नेपालके कहाई बा । साभार रातोपाटी

जनाअवजको टिप्पणीहरू