थारु लेखक संघ कैलालीके अध्यक्षमे फेरसे जीतबहादुर

पहुरा समाचारदाता
धनगढी, ८ वैशाख । थारु लेखक संघ कैलालीके अध्यक्षमे फेरसे जीत बहादुर चौधरी ‘ट्रासन’हे चयन कैगिल बा ।

संघ शनिच्चर धनगढीमे हुइल डुसरा जिल्ला अधिवेशनसे उहाँक अध्यक्षतामे नौ सदस्यीय कार्यसमिति सर्वसहमतसे चयन कैगिलक हो । संघके उपाध्यक्षमे कविता चौधरी, सचिवमे अनिल कुश्मी, सहसचिवमे दिनेश चौधरी ओ कोषाध्यक्षमे दुर्जन चौधरीहे चयन कैगिल बा ।

वसहेक सदस्यमे राजु चौधरी, लक्ष्मी राना, बालमोति चौधरी ओ रामु चौधरी रहल निर्वाचन मण्डलके संयोजक अधिवक्ता जोहारीलाल चौधरी जनैलै ।