अमरबस्तीमे हरचाली साहित्यिक कार्यक्रम
पहुरा |
८ जेष्ठ २०८१, मंगलवार

पहुरा समाचारदाता
धनगढी, ८ जेठ । पुनर्वास नगरपालिका वडा नम्बर ११ अमरबस्ती, कञ्चनपुरमे हरचाली साहित्यिक कार्यक्रम हुइल बा ।
हरचाली त्रैमासिक पत्रिकाके आयोजनामे हुइल कार्यक्रममे कञ्चनपुर ओ कैलालीके साहित्यकार लोग अपन अपन रचना प्रस्तुत कैले रहिंट ।
अमरबस्ती गाउँक भल्मन्सा पञ्चुराम चौधरीके घरगोसियामे हुइल कार्यक्रममे पराउ कञ्चनपुरके साहित्यकार फूलचरण चौधरी, मञ्जु चौधरी, पूर्णिमा चौधरी, संगम चौधरी, सागर कुश्मी, सेवेन्द्र कुसुम्याँ, भीम कुश्मी, अर्पना चौधरीलगायत रचना प्रस्तुत कैले रहिंट ।
कार्यक्रममे हिमालायन लाइफ इन्स्योरेन्स लिमिटेड धनगढी शाखा प्रमुख रामचन्द्र कुश्मी, पशुपति शिक्षा मन्दिरके प्रअ राजकुमार चौधरी, गाउँक् बुद्धिजीवी, गाउँबासीनके सहभागी हुइल रहे । कार्यक्रम सहजीकरण पुष्पा चौधरी कैले रहिंट ।
