थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

गाउँपालिकाभिटर संचालित योजनाके अनुगमन

पहुरा | २२ जेष्ठ २०८१, मंगलवार
गाउँपालिकाभिटर संचालित योजनाके अनुगमन

पहुरा समाचारदाता
हसुलिया, २२ जेठ ।
कैलारी गाउँपालिकाभिटर चालु आर्थिक बर्षमे संचालनमे रहल टमान योजनाके अनुगमन समितिसे सोम्मारके रोज अनुगमन कैगिल बा ।

पालिकास्तरीय अनुगमन समितिके संयोजक भगवतीकुमारी चौधरीके नेतृृत्वमे टमान वडामे संचालन हुइल योजनाके स्थल अनुगमन कैगिल हो । अनुगमन समितिसे वडा नम्बर ३ स्थित शिवरत्नापुर कैगिल सडक ग्राभेलके अनुगमन, मोहना लडियामे निर्माण हुइटी रहल जैविक, भौतिक तटबन्ध ओ टिसिएनमे सडक स्तरोन्नतीके अनुगमन कैगिल बा । वडा नम्बर ३ के पुरैना तलुवा (कमल पोखरी) मर्मतके अनुगमनफे कैगिल बा ।

वडा नम्बर ८ पूर्व टेढीके झोलुङे पुल लग्गे जैविक तटबन्धके अनुगमन, वडा नम्बर १,२,३,४,५, ७, ८ ओ ९ मे निर्माण हुइटी रहल ५० ठो बायोग्याँस (गोबर ग्याँस)के अनुगमन कैगिल बा ।

अनुगमनमे समितिके संयोजक भगवतीकुमारी चौधरी, कार्यपालिका सदस्य सुनिला चौधरी, योजना शाखा प्रमुख सन्तोषकुमार चौधरी, प्राविधिक असिस्टेन्ट सबइन्जिनियर रवि शंकर चौधरीलगायतके उपस्थिति रहे ।

जनाअवजको टिप्पणीहरू