थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

प्रमुख प्रशासकीय अधिकृत भट्टहे विदाई

पहुरा | २५ जेष्ठ २०८१, शुक्रबार
प्रमुख प्रशासकीय अधिकृत भट्टहे विदाई

पहुरा समाचारदाता
हसुलिया, २५ जेठ ।
कैलारी गाउँपालिकाके प्रमुख प्रशासकीय अधिकृत लक्ष्मी दत्त भट्ट सरुवा हुइलपाछे शुकके रोज एक कार्यक्रमके विच विदाई कैगिल बा ।

प्रमुख प्रशासकीय अधिकृत लक्ष्मी दत्त भट्टके कञ्चनपुर जिल्लाके पुनर्वास नगरपालिकामे सरुवा हुइलपाछे गाउँपालिका उपाध्यक्ष भगवतीकुमारी चौधरी, वडा नम्बर ३ के वडा अध्यक्ष सन्तराम चौधरी, वडा नम्बर ४ क वडा अध्यक्ष ठागुराम चौधरीलगायत टमान शाखाके प्रमुखहुक्रे एक कार्यक्रमके करके विदाई कैगिल हो ।

कार्यक्रममे सम्बोधन करटी गाउँपालिका उपाध्यक्ष भगवतीकुमारी चौधरी उहाँके चार महिने कार्यक्रम बहुट मजा रहल बटैली । यी अवधिमे कर्मचारी ओ जनप्रतिनिधि मिल्के आघे बह्रलफे बटैली । ओस्टेक अइना दिनमे सफलताके शुभकामनामे व्यक्त रहल रही ।

प्रमुख प्रशासकीय अधिकृत भट्ट कैलारी गाउँपालिकामे २०८० माघ २८ गते सरुवा हुके आइल रहिट । ओस्टेक करके कैलारी गाउँपालिकामे प्रमुख प्रशासकीय अधिकृतमे खगेन्द्रराज जोशी आई लागल बटै ।

जनाअवजको टिप्पणीहरू