थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

शैक्षिक सुधारके लाग एनएमबी बैंकके सहयोग

पहुरा | २८ जेष्ठ २०८१, सोमबार
शैक्षिक सुधारके लाग एनएमबी बैंकके सहयोग

पहुरा समाचारदाता
धनगढी, २८ जेठ ।
कैलालीके धनगढी उपमहानगरपालिकासे विपन्न बालबालिकाहुक्रनके शैक्षिक गुणस्तर सुधारक लाग कहिके स्थापना करल ‘नगरप्रमुख शैक्षिक सुधार कोष’ मे आर्थिक सहयोग करुइयाके संख्या बह्रटी गैल बा ।

विपन्न बालबालिकाहुक्रनके नियमित पठनपाठनके साथे शैक्षिक गुणस्तर सुधर्ना कहिके स्थापना करल उ कोषमे टमान संघसंस्था तथा व्यक्ति आर्थिक सहयोग कैटी आइल धनगढी उपमहानगरपालिका जनैले बा ।

उहे क्रममे निजी क्षेत्रके एनएमबी बैंक धनगढी शाखासे फेन ‘धनगढी नगरप्रमुख शैक्षिक सुधार कोष’ मे आर्थिक सहयोग करले बा । विपन्न परिवारके बालबालिकाहुक्रनके लाग विद्यालय पोसाक तथा पाठ्य सामग्री खरिदके लाग कहिके बैंकसे अँट्वारके ५२ हजार पाँचसय रुपैयाँ आर्थिक सहयोग करल हो ।

बैंकसे नगरप्रमुख शैक्षिक सुधार कोषमे शैक्षिक गुणस्तर सुधार कार्यक्रम सञ्चालनके लाग छनौट हुइल नमुना विद्यालयके १० बालबालिकाके लाग पोसाक खरिदके लाग उ रुपैयाँ सहयोग करल जनाइल बा ।

धनगढी उपमहानगरपालिकासे ग्रामीण क्षेत्रके विद्यालयहे छनौट कैके नमुना विद्यालय बनाइ लागल बा । उ विद्यालयमे अध्ययनरत छात्रछात्राहुक्रे आर्थिक अभावके कारण ‘ड्रप आउट’ हुइ नपरे कहिके नगरप्रमुख शैक्षिक सुधार कोष स्थापना करल हो ।

उ कोषमे उपलब्ध रकमसे विपन्न परिवारके बालबालिकाकाहे विद्यालय पोसाक तथा पाठ्य सामग्री उपलब्ध कराके ‘ड्रप आउट’ रोक्न सहयोग पुग्ना उपमहानगरनगरपालिकाके कहाइ रहल बा ।

कोषमे उहीसे आघे काठमाडौंके कलंकीस्थित एलआरआई स्कुलके संस्थापक शिवराज पन्त पाँच लाख ओ हिमालयन बैंक धनगढी शाखा एक लाख ९९ हजार पाँचसय, माछापुच्छ्रे बैंक धनगढी शाखा चार लाख ९७ हजार रुपैयाँँ सहयोग करल रहे ।

ओस्टके, प्रभु बैंक धनगढी शाखासे ५२ हजार पाँचसय ओ भाटभटेनी सुपरमार्केटके अध्यक्ष तथा प्रबन्ध निर्देशक मीनबहादुर गुरुङ पाँच लाख २५ हजार रुपैयाँ विपन्न परिवारके बालबालिकाहुक्रनके शैक्षिक गुणस्तर सुधारके लाग कहिके सहयोग करल रहिट ।

जनाअवजको टिप्पणीहरू