थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

सुदूरपश्चिममे सात मन्त्री सपथ लेलैं, जोशी भर बहिस्कार

पहुरा | २९ जेष्ठ २०८१, मंगलवार
सुदूरपश्चिममे सात मन्त्री सपथ लेलैं, जोशी भर बहिस्कार

पहुरा समाचारदाता
धनगढी, २९ जेठ ।
सुदूरपश्चिमके मुख्यमन्त्री दीर्घबहादुर सोडारी सोम्मार ५ जाने विनाविभागीय सहित ७ मन्त्री नियुक्त करटी मन्त्रिपरिषद् विस्तार करले बटै ।

मुख्यमन्त्री सोडारीके प्रमुख स्वकीय सचिव दीर्घ जोशीके अनुसार एमालेसे तीन जाने, माओवादी केन्द्रके तीन जाने ओ एक जाने एकीकृत समाजवादीके सांसद करके थप सात जाने मन्त्री नियुक्त हुइल बटै ।

एमालेके सुरेन्द्रबहादुर पालहे आर्थिक मामिला ओ माओवादी केन्द्रके ओमबिक्रम भाटहे सामाजिक विकास मन्त्रीमे नियुक्त करले बटै ।

एमालेके बीरबहादुर थापा ओ हिरा सार्की, माओवादी केन्द्रके अक्कलबहादुर रावल ओ लक्ष्मी विक तथा एकीकृत समाजवादीके माया पन्तहे बिनाविभागीय मन्त्री नियुक्त करल बा । यी संगे सुदूरपश्चिम प्रदेश मन्त्रिपरिषद् मुख्यमन्त्रीसहित १० सदस्यीय हुइल बा । यी आघे नागरिक उन्मुक्ति पार्टीके दुई जाने मन्त्री बटै ।

मुख्यमन्त्री सोडारीसे स्वतन्त्र सांसद डा.ताराप्रसाद जोशीहेफे मन्त्री नियुक्त करे चाहल मने जोशी भर मन्त्रीके शपथ लेना अस्वीकार करले बटै । मुख्यमन्त्री सोडारी जोशीहे उद्योग पर्यटन वन तथा वातावरण मन्त्रीमे नियुक्त करे खोज्लेसेफे जोशी मन्त्री पद अस्वीकार करल हुइट ।

भौतिक पूर्वाधार विकास मन्त्री कैलाश चौधरी ओ भूमि व्यवस्था कृषि तथा सहकारी मन्त्री टीका थापा यी आघे मन्त्री हुइल बटै । यहोर माओवादी केन्द्रमे मन्त्री सिफारिसके विषयहे लेके किचलो हुइल बा । पाँच जाने सांसदहुक्रे संसदीय दलभिटर सल्लाह नइकरके मन्त्री सिफारिस करल कहटी तत्काल मन्त्री नियुक्त नइकैना मुख्यमन्त्री सोडारीहे ध्यानाकर्षण पत्र बुझैले बटै । सांसद खगराज भट्ट, झपट साउँद, शिवसिंह ओली, रमेश धामी ओ जानकी कुँवर पौडेल संयुक्तरूपमे ध्यानाकर्षण पत्र बुझाइल हुइट ।

जनाअवजको टिप्पणीहरू