मेलमिलाप सम्बन्धी आठ दिवसीय तालिम निम्जल
पहुरा समाचारदाता
धनगढी,१ असार । कैलारी गाउँपालिकाके सामुदायिक मेलमिलाप कर्ताहहुकनके लाग संचालन हुइल आठ दिवसिय तालिम निम्जल बा ।
कैलारी गाउँपालिकाके आयोजना ओ प्राकृतिक श्रोत द्वन्द रुपान्तरण केन्द्र नेपालके सहजीकरणमे जेठ २५ से ३२ गतेसम थारु होम स्टे गाउँ भादामे कैलारीके १ से ९ वडाके सामुदायिक मेलमिलापहुकनके लाग मेलमिलाप सम्बन्धी ८ दिवसीय ४८ घण्टा आधारभूत तालिम तालिम सुरु हुइल रहे ।
तालिम समापन कार्यक्रम कैलारी गाउँपालिकाके उपाध्यक्ष भगवतीकुमारी चौधरी ओ कैलाली जिल्ला अदालतके न्यायधिश प्रदीपकुमार उपाध्यायके बरका पहुनामे हुइल रहे ।
तालिममे समापन कार्यक्रममे कैलाली जिल्ला अदालतके श्रेस्तेदार श्रीमान बहादुर बिष्ट, अम्मरदत्त भट्ट ना.सु., आई.टी. दिपेन्द्र साउदँ, कैलारी गाउँपालिका न्यायिक शाखाके अनिल चौधरी, प्राकृतिक श्रोत द्वन्द्व रुपान्तरण केन्द्र नेपाल पश्चिम क्षेत्रके क्षेत्रीय संयोजक बल्लु चौधरी प्रशिक्षक त्रिपुरा गिरी, कैलारी गाउँपालिका न्यायिक समिति सचिवालयके अस्स्टिेन्ट रामकृष्ण चौधरी लगायतके उपस्थिति रहे ।
कार्यक्रमे स्वागत मन्तव्य न्यायिक समिति सदस्य हरिद्वरी चौधरी ओ सहजीकरण सहजकर्ता बन्धुप्रसाद चौधरी करल रहिट । कार्यक्रम सञ्चालन कैलारी गाउँपालिकाके सामाजिक विकास शाखा प्रमुख यगम कलेल करल रहिट । तालिममे सहभागिहुकनके कार्यक्रमके वरका पहुना, सभाअध्यक्षलगायत पहुनाहुकनसे प्रमाणपत्र वितरण कैगिल रहे ।
