आम टुरेबेर करेन्ट लागके किशोरके मृत्यु

पहुरा समाचारदाता
धनगढी, १ असार । धनगढीमे आम टुरना क्रममे करेन्ट लागके किशोरके मृत्यु हुइल बा ।

शनिच्चरके सकारे धनगढी उपमहानगरपालिका–२ के बैयाबेहडीके १६ वर्षीय विवेक खड्काके मृत्यु हुइल प्रहरी जनैले बा । घर लग्गे रहल आमके रुखुवामे फलामके रडले आम टुरेबेर विद्युतके लाइनमे छुके खड्काहे करेन्ट लागल जिल्ला प्रहरी कार्यालयके प्रवक्ता प्रहरी नायब उपरीक्षक(डीएसपी) कबिन्द्रसिंह बोहरा बटैलै ।

उहाँक अनुसार खड्काहे तत्काल उपचारके लाग माया मेट्रो अस्पताल लैगिल रहे । मने उपचारके क्रममे उहाँक मृत्यु हुइल प्रहरी जनैले बा ।