थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

चैतन्य पाठशाला तेक्वान्दो दोजाङके दुसरा वार्षिकोत्सव समारोह

पहुरा | २१ असार २०८१, शुक्रबार
चैतन्य पाठशाला तेक्वान्दो दोजाङके दुसरा वार्षिकोत्सव समारोह

पहुरा समाचारदाता
धनगढी, २१ असार ।
चैतन्य पाठशाला तेक्वान्दो दोजाङके दुसरा वार्षिकोत्सव समारोह २०८१ कार्यक्रम विफेक रोज मनागिल बा ।

शिक्षक अभिभावक संघके अध्यक्ष ईश्वर गिरीके अध्यक्षतामे हुइल कार्यक्रममे टमान प्रतियोगितामे सहभागी हुके मेडल प्राप्त करल खेलाडीहुकनहे पुरस्कार वितरण कैगिल बा । टिसरा मेडल प्राप्त खेलाडी अन्सु विष्ट, किशोर खडका, सागर थापा, गौतम भट्ट, विराज बोहरा, विवेक विष्ट, केदिन शाही बर्षा कुवँरहे पुरस्कार डेगिल बा ।

दुसर स्थान हासिल करुइया खेलाडी आयूशमान सिंह, पुष्प बम, सम्राट खडका, आर्दश खडका, दिपिल बोहराहेफे पुरस्कार वितरण करल बा । ओस्टेक करके डिसिपिलिन खेलाडी पवननाथ योगी ओ डेडिकेटेड खेलाडी नेत्र कार्कीहेफे विद्यालयके प्रअ कटकबहादुर सिंह, शिक्षक अभिभावक संघके अध्यक्ष ईश्वर गिरी, तेक्वान्डो गुरु शेरबहादुर सिंहलगायतसे पुरस्कार हस्तान्तरण करल रहिट ।

कार्यक्रममे सम्बोधन करटी विद्यालयके प्रअ कटकबहादुर सिंह खेलाडी राष्ट्रके गहना रहल कहटी खेलसंगे चैतन्य पाठशाला संस्कारसहितके शिक्षाहे आघे बह्राइल बटैलै । कार्यक्रममे चैतन्य पाठशाला तेक्वान्दो दोजाङके प्रशिक्षक भुवन सार्की, विद्यालयके सह प्रधानाध्यापक, शिक्षक, शिक्षक अभिभावक संघके सदस्यहुक्रे, संचारकर्मी, अभिभावकलगायतके सहभागिता रहे । कार्यक्रमके संचालन शिक्षक बिन्दास बम करल रहिट । उहे अवसरमे खेलाडीहुकनसे खेल प्रदर्शन ओ नृत्य प्रस्तुत करल रहिट ।

जनाअवजको टिप्पणीहरू