धनगढी ल्यानल सडक धुइना ओ बोटविरुवा डहैना ‘रोड वासर’ मेसिन
पहुरा समाचारदाता
धनगढी, २५ भदौ । कैलालीके धनगढी उपमहानगरपालिकासे धुरहा सडक धुइना ओ बोटबिरुवाहे पानी डहैना ‘रोड वासर’ मेसिन सञ्चालनमे ल्यन्ले बा ।
उपमहानगरपालिकासे रोड वासरके पानी ट्यांकीसे निकर्ना पानीके फोहोरासे सडकके धुर धुुइना, सडकके किनारामे लगाइल बोटबिरुवामे पानी डर्ना ओ हिउँदमे धुर लागल बोटबिरुवा पखल्ना काम कैना बटैले बा ।
धनगढीहे सफा बनैना ओ हरियाली प्रवर्द्धनके लाग रोड वासर मेसिन खरिद करल धनगढी उपमहानगरपालिका जनैले बा । उपमहानगरपालिकाके अनुसार रोड वासर मेसिनके आगलागीके बेला आगी बुटैना ओ महामारीके बेला औषधि छिटनाफृे प्रयोग हुई । धनगढी उपमहानगरपालिकासे ६९ लाखमे रोड वासर मेसिन खरिद करके सञ्चालनमे ल्यानल हो ।
धनगढीके नगर प्रमुख गोपाल हमाल रोड वास मेसिनले सडकके धुर पखल्ना, बोटबिरुवामे पानी डर्ना ओ धुरयाइल बोटबिरुवामे पानी डर्ना काम कैना बटैलै । उहाँ धनगढीहे सफा बनैना ओ हरियाली प्रवर्द्धनके लाग ‘रोड वासर’ मेसिन खरिद करल जानकारी डेलै ।
उहाँ कहलै, ‘हमार धनगढी, सफा धनगढी अभियान अन्र्तगत धनगढीहे सफा ओ सुन्दर बनैटी हरियाली प्रवर्द्धन कैना रोड वासर मेसिन ल्यानल हुई । रोड वासर मेसिनसे बोटबिरुवामे पानी डर्ना ओ सडक धुइना सहयोग पुगी ।’
धुरहया सडक सफा कैना ओ बोटबिरुवाहे पानी डारेक लाग ल्यानल रोड वासर मेसिनके सोम्मार उपमहानगरपालिका परिसरमे एक कार्यक्रमके आयोजना करके धनगढी उप प्रमुख कन्दकला रानासे सिटी बजैटी हरियर झण्डा डेखाके उदघाटन करल रही ।
रोड वासर मेसिनके औपचारिक रुपमे उदघाटनसंगे अब आवश्यकता अनुसार समय तालिका बनाके प्रयोग कैना धनगढी उपमहानगरपालिकाके वातावरण अधिकृत अशोक अवस्थी बटैलै ।
