धनगढी उपमहानगरपालिकासे नगर बस संचालन

पहुरा समाचारदाता
धनगढी, ३० भदौ । धनगढी उपमहानगरपालिकासे नगर बस संचालनमे नन्ले बा ।

धनगढी उपमहानगरपालिका वडा १४, १८ ओ १९ हे मध्य नजरके अँटवारके रोज वडा नम्बर १९ फुलवारी बसपार्कमे एक कार्यक्रममे विच नगर बसके उदघाटन कैगिल हो । नगर प्रमुख गोपाल हमाल फुलवारीबासीके माग अनुसार नगरके क्षमता अनुसार कैना बटैैलै ।

फुलवारीमे अस्पताल स्थापना कैना सोच हो, उहाँ कहलै,‘यी ठाउँमे अस्पताल स्थापना करेसेक्लेसे धनगढी जाई नैपरी । ओकर लाग वडा भेला करके निर्णय पठाई । फुलवारीके विद्यार्थी धनगढी पह्रे जैना कना यहाँक विद्यालय गुणस्तरीय नैहो कना बुझे सेक्जाई ।’

धनगढी उपमहानगरपालिकासे फुलवारीमेफे हरियाली कार्यक्रम संचालन करल ओरसे बोटविरुवाके संरक्षण कैना आग्रह करलै ।

नगर उपप्रमुख कन्दकला कुमारी राना नगर बस संचालन हुइलपाछे किसान, विद्यार्थी, फुलवारीबासी ओ लग्गेक पालिकाहेफे फाइदा हुइल बटैली ।