घोराही सामुदायिक वनके १७औं वार्षिक साधारणसभा

पहुरा समाचारदाता
पहलमानपुर, १२ कुवाँर । कैलालीके घोडाघोडी नगररपालिका १२ कोटामे रहल घोराही सामुदायिक वन उपभोक्ता समुहके शनिच्चरके रोेज १७औै वार्षिक साधारणसभा तथा सार्वजनिक सुनुवाई कार्यक्रम निम्जल बा ।

उ सामुदायिक वनके अध्यक्ष अकाश परियारके अध्यक्षतामे हुइल कार्यक्रममे वरका पहुना प्रदेशसभा सदस्य खुशीराम चौधरी रहल रहिट । ओस्टेक विशिष्ट पहुना सव डिभिजन वन कार्यालय पचमुडियाके रेन्जर केशव पोख्रेल रहल रहिट । कार्यक्रममे राष्ट्रिय मावि नकफोरुवाके शिक्षक सुरेश कुमार रिजाल, लेखा समिति संयोजक ध्रुवराज कठरियालगायत शुभकामना मन्तव्य राखल रहिट ।

कार्यक्रममे संस्थाके अध्यक्ष अकाश परियार १२ लाख ९६ हजार ३१४ रुप्या बराबरके आयव्यय प्रस्तुत करल रहिट । कार्यक्रमके संचालन सचिव बन्दना चौधरी ओ स्वागत उपाध्यक्ष अनिल चौधरी करल रहिट ।