कैलारी–५ पवेराबासीसे सरसफाई कार्यक्रम

पहुरा समाचारदाता
हसुलिया, १५ कार्तिक । कैलाली जिल्लाके कैलारी गाउँपालिका वडा नम्बर ५ पवेरा गाउँबासीसे गाउँ सरसफाई करले बटै ।

अपन गाउँघर अपनही सरसफाई करके सफा सुग्गर बनाई कना उद्देश्यसे डेवारीके अवसरमे पवेरा गाउँबासीसे गाउँक डगरा सरसफाई करले बटै । पवेरा गाउँमे टमान टोल करके २१८ घरधुरी रहल बा । सरसफाई कार्यक्रममे घरझराली लागल गाउँक भल्सन्सा खुशीराम चौधरी बटैै ।

ओस्टेक करके पवेरा गाउँक सामुदायिक भवनके जग्गा खरिदके लाग प्रत्येक घरसे ३ हजारके दरसे रुप्या उठैना पवेरा गाउँबासीके सक्कु किसान सहमति हुइल बटै । सहमतिसंगे १२ जाने किसान उहे दिन पैसा जम्माफे करले बटै ।