दिगो विपद व्यवस्थापन ओ मानवीय कार्य सम्बन्धी अन्तरक्रिया
पहुरा समाचारदाता
धनगढी, २७ कार्तिक । नेपालमे दिगोपन निर्माण कैना दिगो विपद व्यवस्थापन ओ मानविय कार्य सम्बन्धी गैरसरकारी संस्था ओ दातृ निकायविच अन्तरक्रिया कार्यक्रम कैगिल बा ।
कमैया महिला जागरण समाज नेपाल गुलरिया बर्दियाके आयोजना ओ केयर नेपालके साझेदारीमे धनगढीमे दिगो विपद व्यवस्थापन ओ मानविय कार्यके लाग अन्तरक्रिया कैगिल हो ।
कार्यक्रममे बाढ, पहिरो, भुकम्प, आगलागी, शितलहर, लु, खडेरी, हावाहुरी, जंगली जनावरके अतांक, चटयांक, सडक दुर्घटनालगागत विपदके बारे गहन छलफल कैगिल बा ।
ओम्ने विपदसे महिलाहे पर्ना मुख्य असर पोषणयूक्त खाद्य अभाव, सुरक्षित अवास, कार्यबोझ, स्वास्थ्य स्याहार, यौन तथा प्रजनन स्वास्थ्य, मानसिक तनाव, यौन दुव्र्यवहार, लैगिक हिंसा, मानव वेचविखन, लैंगिक तथा सामाजिक विभेद, जातीय विभेद, खानेपानी सरसफाई तथा स्वच्छता सम्बन्धी अभाव, बालबालिका तथा अपांगता हुइल व्यक्ति, लैगिक तथा अल्पसंख्यक मैत्री आश्रयस्थल, राहत वितरण सम्बन्धी छलफल कैगिल बा ।
कार्यक्रममे फाया नेपालके अध्यक्ष गोमा आचार्य, विनु राना विपदमे कैगिल छलफलके बारे जानकारी डेहल रहिट । बनल कानून कार्यान्वयन नैहुके एकद्वार प्रणाली अवलम्बन नैहुके राहत वितरणमे समस्या हुइल गोमा आचार्य बटैली । विपदके बेला महिला ढेर खटना मने ओइनके मुल्यांकन नैहुइलफे उहाँ बटैली । विपदमे रैथाने ज्ञानके प्रयोग कैगिल उहाँ कहली ।
विपद सम्बन्धी संयन्त्रमे महिलाके सहभागिता न्यून हुइल दलित महिला अधिकार मञ्चके अध्यक्ष सावित्रा घिमिरे बटैली । महिलाहुक्रे विपद जोखिम न्यूनिकरणमे मजा भूमिका निभैटी रहल उहाँ बटैली ।
कार्यक्रममे केयर नेपालके सुधार परियोजनाके डिआरआर डिआई कोडनेटर सहजीकरण करल रहिट । कलेसे यूएस एडके दस्टाका विपद सम्बन्धी विस्तृत रुपमे छलफल हुइल बटैलै । ओस्टेक करके उहाँ विपदके वेला गैरसरकारी संस्था ओ स्थानीय सरकार विच हुइना समन्वय, राहात विवरण प्रणालीबारे चासो ओ संयन्त्र निर्माणबारे जिज्ञाशा राखल रहिट । दोभासेके रुपमे सहजीकरण केयर नेपालके रुविना लामा घिमिङ करल रहिट ।
कार्यक्रममे कमैया महिला जागरण समाज नेपाल गुलरिया बर्दियाके अध्यक्ष कृष्णी थारु, केयर नेपालके प्रतिनिधि ओ विपदके क्षेत्रमे कार्यरत रहल गैरसरकारी संघ संस्थाके प्रतिनिधिहुकनके सहभागिता रहे ।
