खाद्यसे कैलारीमेफे धान खरिद सुरु

पहुरा समाचारदाता
धनगढी,२९ कार्तिक । खाद्य व्यवस्था तथा व्यापार कम्पनी लिमिटेड सुदूरपश्चिम प्रदेश धनगढी कैलालीसे कैलारीमेफे आजसे धान खरिद सुरु करले बा ।

लिमिटेडसे वडा नम्बर १ मनाउँमे मोटा धान खरिद केन्द्र स्थापना करके धान खरिद सुरु करल कैलारी गाउँपालिकाके प्रमुख प्रसाशकीय अधिकृत खगेन्द्रराज जोशी जनैलै । मोटा धानके मुल्य प्रतिकुन्टल ३४ सय १० रुप्या ५१ पैसामे तोकल बा ।

कैलाली जिल्लाके ६ ठाउँ ओ कञ्चनपुरके २ ठाउँसे धान खरिद केन्द्र स्थापना करके धान खरिद करटी रहल खाद्य व्यवस्था तथा व्यापार कम्पनी लिमिटेड सुदूरपश्चिम प्रदेश धनगढीके जिन्सी अधिकृत सन्तोष विक जनैलै । यी आर्थिक बर्षमे कैलालीमे ५५ हजार कुन्टल ओ कञ्चनपुरमे १५ हजार कुन्टल धान खरिद कैना लक्ष्य रहल उहाँ जनैले ।