सोन तोलामे १५ हजार ९ सय रुप्या घटल

काठमाडौं, १० अगहन । सरकारसे भन्सार दर घटाइलपाछे सोनके भाउ तोलामे १५ हजार ९ सय रुप्या घटल बा ।

नेपाल सुनचाँदी व्यवसायी महासंघसे सोम्मार सोनके भाउ प्रतितोला १ लाख ५१ हजार ३ सय रुप्या निर्धारण करले बा । अघिल्का दिन प्रतितोला १ लाख ६७ हजार २ सय रुप्या रहे ।

‘सरकारसे १० प्रतिशत भन्सार दर कायम करलपाछे उ अनुसार सोम्मारसे मूल्य समायोजन करल हो, महासंघके अध्यक्ष अर्जुन रसायली कहलै, ‘सरकारसे सोनके भन्सार दरहे २० से १० प्रतिशतमे झारलपाछे उ दरके प्रभाव सोम्मार परल हो ।
‘भारतसे सोन तस्करी हुके नेपालमे नआए कना उद्देश्यसे दर घटैना निर्णय हुइल हो,’ भन्सार विभागके महानिर्देशक हरिशरण पुडासैनी कहलै । सरकारसे बजेटमार्फत १५ प्रतिशत रहल भन्सार दर २० पुगाइल रहे ।

उहोर, भारतमे भर पूर्ण बजेट आके भन्सार दर घटल रहे । उ नेपालमे सोन महँगा ओ भारतमे सस्ता हुई पुगल रहे । यिहीसे बजारमे तस्करीके सोन आइल आशंका करल बा । औपचारिक प्रणालीसे अइना सोनके परिमाणमे भारी गिरावट डेखल बा ।