मोहन्याल–३ के वडाध्यक्ष गिरीके निधन

पहुरा समाचारदाता
धनगढी, २१ अगहन । कैलालीके मोहन्याल गाउँपालिका–३ के वडाध्यक्ष नन्दाराम गिरीके ३५ वर्षके उमेरमे निधन हुइल बा । मुखके क्यान्सरसे पीडित गिरीके उपचारमे क्रममे दोदोधरा अस्पताल, बौनियामे निधन हुइल हो ।

नेपाली कांग्रेसस निर्वाचित गिरी वडाध्यक्षके रूपमे २०७४ ओ २०७९ के निर्वाचन जिटल रहिट । नेपाली कांग्रेस कैलालीके जिल्ला सदस्यसमेत रहल गिरीके अन्त्येष्टि शनिच्चर फलेबिसौनामे कैना जानकारी नेता देवानन्द जैशी डेले बटै । वडा अध्यक्ष गिरी निधन हुइलपाछे नेपाली काँग्रेस कैलालीसे संचालन कैना १०० दिने अभियान अगहन २२ गते एक दिन स्थागित कैना नेपाली काँग्रेस कैलाली जनैले बा ।