११ लाख मुल्यके भन्सार छली सामान बरामद

पहुरा समाचारदाता
धनगढी, २३ अगहन । सुदुरपश्चिम प्रदेश प्रहरी कार्यालय धनगढी, जिल्ला प्रहरी कार्यालय कैलाली ओ मातहतसे खटके गैल प्रहरी टोलीसे ११ लाख मुल्यके भन्सार छलिके सामान बरामद कैगिल बा ।

जिल्लाके टमान ठाउँमे रहल भारतिय नाकासे भन्सार छली करके ल्यानल रु.१० लाख ९१ हजार ८०९ मुल्य बराबरके अवैध मालसामान फेला पारके आवश्यक कारवाहीके लाग भन्सार कार्यालय पठाइल प्रहरी जनैले बा । जेम्नेसे जिल्ला कैलाली धनगढी उप–महानगरपालिका स्थित ट्राफिक चौराह, संचयकोष कार्यालय धनगढी लग्गे ओ बोराडाँडीसे अन्दाजी मुल्य रु.१० लाख ५३ हजार ८०९।– बराबरके टमान मोबाईलके कभर, किरानाके सामान ओ मोजा फेला पारल बा ।

कलेसे जिल्ला कैलाली गोदावरी नगरपालिका वडा नं. ०९ वालुवाटारसे रु.३८ हजारके स्पिकर, पम्पके वासर ओ किराना सामान फेला पारके बरामद करल जिल्ला प्रहरी कार्यालय कैलालीके सह प्रवक्ता दर्शन खडका जनैलै ।