थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

अपाङगता रहल बालबालिकाहुकन शैक्षिक सामाग्री वितरण

पहुरा | ३ पुष २०८१, बुधबार
अपाङगता रहल बालबालिकाहुकन शैक्षिक सामाग्री वितरण

पहुरा समाचारदाता
धनगढी, २ पुस ।
कैलारी गाउँपालिकाके सामुदायिक विद्यालयमे अध्ययनरत अपाङगता रहल बालबालिकाहुकनहे शैक्षिक सामाग्री वितरण कैगिल बा ।
नवजीवन सेवा संघके आयोजना तथा कैलारी गाउँपालिकाके समन्वयमे कैलारी गाउँपालिकाके सामुदायिक विद्यालयमे अध्ययनरत अपाङगता रहल बालबालिकाहुकनहे शैक्षिक सामाग्री वितरण कैगिल हो ।
गाउँपालिका अध्यक्ष राजसमझ चौधरी, गाउँपालिका उपाध्यक्ष भवगतीकुमारी चौधरी, नवजीवन सेवा संघके कार्यक्रम व्यवस्थापक एकिन्द्र ठकुल्ला, फिल्ड संयोजक प्रमिन्द्र श्रेष्ठलगायतसे अपाङगता रहल बालबालिकाहुकनहे शैक्षिक सामाग्री हस्तान्तरण करल रहिट ।


नवजीवन सेवा संघके कार्यक्रम व्यवस्थापक ठकुल्ला समावेशी शिक्षा अन्र्तगत सामुदायिक विद्यालयमे अध्ययनरत रहल बालबालिकाहुकनहे शैक्षिक सामाग्री वितरण करल बटैलै ।


कक्षा १ से ३ समके बालबालिकाहुकनहे व्याग १ थान, पेन्सिल ४ पाकेट, कलर २ पाकेट, साफनर १ पाकेट, इलेजर १ पाकेट, कापी २० हस्तान्तरण करल बा ।
ओस्टेक कक्षा ४ से १० समके लाग व्याग १ थान, पेन्सिल १ थान, पेन २ थान, जेमेट्रिक बक्स १ थान, कापी २० पिस हस्तान्तरण करल उहाँ बटैलै । कक्षा १ से १० समके ४९ जाने अपाङगता रहल बालबालिकाहुकनहे शैक्षिक सामाग्री हस्तान्तरण कैगिल बा ।

जनाअवजको टिप्पणीहरू