मानव अधिकार सहायता कक्ष सवलीकरण विषयक छलफल

पहुरा समाचारदाता
धनगढी, ४ पुस । अनौपचारिक क्षेत्र सेवा केन्द्र(इन्सेक) सुदुरपश्चिम प्रदेश कार्यालय, धनगढीके आयोजनामे मानव अधिकार सहायता कक्ष सवलीकरण विषयक छलफल धनगढीमे सम्पन्न हुइल बा ।
अनौपचारिक क्षेत्र सेवा केन्द्र(इन्सेक) सुदुरपश्चिम प्रदेश संयोजक खडकराज जोशी मानव अधिकार सहायता कक्ष मार्फत टमान हिंसा प्रभावितहे न्यायमे पहुँच पुगैना उद्देश्यसे कानूनी प्रकृयामे गैल ओ सम्बन्धित वडाके सिफारिस तथा पीडितके निवेदन ओ अन्य कागजातसहितके पीडितहे छनौट करके सहयोग करटी आइल बटैलै ।
उहाँ राष्ट्रिय मानव अधिकार आयोग गैरसरकारी संघसंस्थाके अभिभावकके भुमिका निभाई पर्ना बटैटी यी मानव अधिकार सहायता कक्षमे राष्ट्रिय मानव अअधिकार आयोग केन्द्रीय कार्यालयके परिपत्र अनुसार इन्सेकसे सञ्चालित मानव अधिकार सहायता कक्षमे एक जाने फोकल पर्सन धारे पर्ना संयोजक जोशी बटैलै ।
गैरसरकारी संस्था महासंघके अध्यक्ष तथा मानव अधिकार सहायता कक्ष व्यवस्थापनके संयोजक देवी खनाल मानव अधिकार सहायता कक्ष मार्फत कथित बोक्सी, घरेलु हिंसा ओ यौन हिंसाके टमान १६ जाने पीडितहे सहयोग करल फाइल अनुमोदन कैना ओ पीडितहे न्यायोचित रुपमे यातायातके खर्च अनुसार आर्थिक सहयोग करे पर्ना बटैलै ।
पत्रकार महांसंघके पूर्व सुदूरपश्चिम अध्यक्ष अर्जुन शाह मानव अधिकार सहायता कक्षहे प्रभावकारी सूचनामय बनैना डिजिटल समुह बनाके सूचना सम्प्रेसण कैना आवश्यक रहल बटैलै ।
मुक्त कमैया महिला विकास मञ्चके फोकल पर्सन कौशिला चौधरी मुक्त कमैया, हलिया ओ मुक्त कम्लहरीके पु्नस्थापनाके लाग राज्यसे वेवास्ता करटी रल अवसथामे सक्कु गैरसरकारी संघसंस्था एकजुट हुके राज्यहे दवाव डेना आवश्यक रहल बटैलै ।
