जनजागृती सामुदायिक वनके नवौं वार्षिक साधारण सभा निम्जल

पहुरा समाचारदाता
पहलमानपुर ७ पुस । कैलालीके घोडाघोडी नगपालिका–१० झिरोखा स्थित जनजागृती सामुदायिक वन उपभोक्ता समुहके नवौ वार्षिक साधारण सभा तथा सार्वजनिक सुनुवाई कार्यक्रम सम्पन्न हुइल बा ।

समुहके अध्यक्ष आशाराम चौधरीके अध्यक्षतामे हुइल कार्यक्रममे वरका पहुना सिएसिसि पहलमानपुरके अध्यक्ष पुष्कल बम रहल रहिट । कार्यक्रममे उहाँ अवस्था परिवर्तन हुइल मने मनैनके सोचमे परिवर्तन नैहुइल बटैलै ।
कार्यक्रममे विशिष्ट पहुना वडा नम्बर १० के कार्यवाहक वडा अध्यक्ष जालुराम चौधरी मुलुकमे आर्थिक मण्डीके कारण विकास निर्माणके काममे प्रभाव पारल बटैलै ।

सव डिभिजन वन कार्यालय सुखडके वन प्राविधिक जुगराम चौधरी राजनीतिक कारण सामुदायिक वन फस्टाई नैसेकल बटैलै ।
सिएफसीसी के अर्जुन कठरिया वन जन्तु चोरी शिकार नियन्त्रण करेबेर दुशमनी लेहे हस हुइल बटैलै ।
झिरोखा गाउँक भल्मन्सा झिरोखामे दुई ठो सामुदायिक वन रहल मने समस्या ज्यु के टियु रहल बटैलै । गाउँक पूर्व भल्मन्सा चन्द्रबहादुर चौधरी, जनकल्याण मावि ठेवैकेअ प्रअ टेकबहादुर सुनार, पहलमानपुर खाने उपभोक्ता समितिके अध्यक्ष डम्मर बहादुरसिंह, समाजसेवी लक्ष्मण शाहीलगायतसे मन्तव्य राखल रहिट ।

कार्यक्रममे स्वागत मन्तव्य उपाध्यक्ष सुदर्शन भट्ट ओ संचालन टेकराज भण्डारी करल रहिट । ओस्टेक करके कार्यक्रममे लेखा समिति संयोजक क्षेम विष्ट १६ लाख ३५ हजार ११२ रुप्या आय व्यय सुनाइल रहिट ।