स्वर्गिय सिअहेवके कमलेश चौधरीके परिवारहे आर्थिक सहयोग

पहुरा समाचारदाता
धनगढी, ८ पुस । कैलारी गाउँपालिकाके स्वास्थ्य संस्था, गाउँपालिकाके कर्मचारी तथा जनप्रतिनिधिसे स्वेच्छिक रुपसे संकलन करल आर्थिक सहयोग रकम स्वर्गिय सिअहेव कमलेश चौधरीके आश्रित परिवारहे हस्तान्तरण कैगिल बा ।

मोटरसाइकल दुर्घटनाके दुःखद निधन हुइल कैलारी–१ मनाउँ आधारभूत स्वस्थ्य केन्द्रमे कार्यरत सि.अ.हे.व. कमलेश चौधरीके आज १३ दिनके पुन्यतिथिके अवसरमे हुइल श्रद्धाञ्जली कार्यक्रममे संकलन कैगिल आर्थिक सहयोग १ लाख ५ हजार ९७० रुप्या कैलारी गाउँपालिका उपाध्यक्ष भगवतीकुमारी चौधरी दिंवगत हुइल कमलेश चौधरीके जीवन संगीनी कोपिला चौधरीहे हस्तान्तरण करल रहिट ।

मानवीय सहयोगके लाग सहयोगी महानुभावहुकनप्रति उहाँ आभरफे करली ।
ओस्टेक उहाँ कैलारी गाउँपालिका परिवारके ओरसे १३ औं दिनके पुन्यतिथीमे हार्दिक श्रद्धाञ्जली व्यक्त करली ।