कैलारीमे चैते धान खेती करुइया कृषकहे प्रतिकटठा ६ सय प्रोत्साहन अनुदान डेना

पहुरा समाचारदाता
धनगढी, ८ पुस । कैलाली जिल्लाके कैलारी गाउँपालिकासे चैत धान खेती करुइयाहे कृषकहुकनहे प्रतिकटठा ६ सय रुप्या प्रोत्साहन अनुदान डेना जनैले बा ।

कैलारी गाउँपालिकाके कृषि विकास शाखा कार्यालयके चालु आर्थिक बर्ष २०८१÷०८२ के वार्षिक स्वीकृत कार्यक्रम अनुसार चैते धान प्रवद्र्धनके लाग सार्वजनिक सूचनाफे जारी करले बा ।

पुस ७ गते दुसर चो सूचना प्रकाशित करके चैते धान खेती कैना इच्छुक किसान, कृषि फर्म, कृषक समुहहे पुस १३ गतेभिटर आवेदन पेश कैना कहल बा । १३ गते विदा परल ओरसे ओकर आघेक दिने बुझैना आहवान करल बा ।