जनप्रिय सामुदायिक वनके १६औं बार्षिक साधारण सभा
पहुरा |
१३ पुष २०८१, शनिबार

पहुरा समाचारदाता
पहलमानपुर, १३ पुस । कैलालीके घोडाघोडी नगरपालिका–१२ खोपामे रहल जनप्रिय सामुदायिक वन उपभोक्ता समुहके १६ औं वार्षिक साधारण सभा तथा सार्वजनिक सुनुवाई कार्यक्रम सम्पन्न हुइल बा ।
समुहके अध्यक्ष सुरेश चौधरीके अध्यक्षतामे हुइल कार्यक्रममे वरका पहुना सव डिभिजन वन कार्यालय पचमुरियाके जमदार रामचरण चौधरी ओ खास पहुना वडा नम्बर १२ के वडा सदस्य गुपालदास चौधरी रहिट ।
शुभकामना सितल सामुदायिकके अध्यक्ष रेणु चौधरी, डिभिजन वन कार्यालयके वन रक्षक खुमलाल चौधरी, पूर्व वडा अध्यक्ष पर्नाकुमार चौधरी व्यक्त करल रहिट । समुहके उपाध्यक्ष बलबहादुर चौधरी १ लाख १३ हजार ६६१ रुप्या बराबरके आयव्यय विवरण प्रस्तुत करल रहिट ।
स्वागत समुहके सहसचिव खडकबहादुर चौधरी ओ संचालन उपभोक्ता रामदास चौधरी करल रहिट ।
