जमुनी महिला सामुदायिक वनके १६ औ वार्षिक साधारण सभा

पहुरा समाचारदाता
भजनी, १६ पुस । कैलालीके भजनी नगरपालिका–४ कुँरीमे रहल जमुनी महिला सामुदायिक वन उपभोक्ता समुहके १६ औं वार्षिक साधारण सभा तथा सार्वजनिक सुनुवाई कार्यक्रम सम्पन्न हुइल बा ।
समुुहके अध्यक्ष बुधराम चौधरीके अध्यक्षतामे हुइल कार्यक्रममे वरका पहुना भजनी–४ के वडा अध्यक्ष जन्तराम चौधरी रहल रहिट । कार्यक्रममे उहाँ सामुदायिक वनके लग्गे सार्वजनिक चर्पीके लाग बजेट विनियोजन कैना बटैलै । सव डिभिजन वन कार्यालय भजनीके अधिकृत लाल बहादुर विक विना वन हेरालु रहल वनुवाके खर्च बचैलकमे बहुत खुशी व्यक्त करलै ।
कार्यक्रममे भजनी सब डिभिजन वन कार्यालयके बन रक्षक प्रकाश विका, सिएफसिसि भजनीके अध्यक्ष खोजराम चौधरी सामुदायिक वन सामाजिक विकासमे खर्च कैना मजा बाट रहल बटैलै ।
कार्यक्रममे दान सिंह चौधरी, पहुरा दैनिकके पहलमानपुर समाचारदाता जीवन चौधरी, कुँरी गाउँक भल्मन्सा गंगाराम चौधरी, सुर्य सामुदायिक वनके सचिव जयराम चौधरीलगायत मन्तव्य राखल रहिट । समूह सचिव सन्धुराम चौधरी ३ लाख ८८ हजार ८५७ बराबरके आय व्यय सुनैलै । यिहे विच पहुनाहुक्रन डोसल्ला ओह्राके सम्मान करगिल बा । ओस्टेक करके विद्यालयहे पंखा ओ आर्थिक अवस्था कम्जोर रहल विद्यार्थीनहे झोला ओ स्टेशनरी वितरण कैगिल बा । थारु महालोक गायक मनिराम करिया मघरिया ओ ओ पियंका चौधरीसे नाँच डेखैलै ।
