थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

डल्लपमे ‘रिफ्लेक्ट स्टिकर’

पहुरा | २५ पुष २०८१, बिहीबार
डल्लपमे ‘रिफ्लेक्ट स्टिकर’

पहुरा समाचारदाता
धनगढी, २५ पुस ।
कैलालीमे ट्राफिक प्रहरी डल्लप (गोरुगाडा) मे टल्कना रिफ्लेक्ट स्टिकर टँस्ना अभियान सुरु करले बा । डल्लपके कारण रातके हुइना दुर्घटना न्यूनीकरणके लाग प्रहरी डल्लपके आघे पाछेक भागमे स्टिकर टँस्ना अभियान सुरु करल हो । विशेष कैके जिल्लाके ग्रामीण क्षेत्रमे इ अभियान सुरु करल हो ।

जाड महिनामे कुहिरा लागके डल्लप नैडेखजैना ओ तीव्र गतिके सवारी साधन ओम्ने टकरैना करठ् । भिजिबिलिटी कमके कारण रातके हुइना ओइसीन दुर्घटना न्यूनीकरणके लाग डल्लपमे रिफ्लेक्ट स्टिकर टाँसे लागल अस्थायी ट्राफिक प्रहरी पोष्ट हसुलियाके प्रहरी सहायक हवल्दार जगदीश बोहरा बटैलै । उहाँ हरेक घर घरमे रहल डल्लपमे रिफ्लेक्ट स्टिकर टँस्ना उल्लेख करलै ।

कुछ दिन आघे रातके धनगढीसे हसुलिया ओर जैना क्रममे हुलाकी सडकमे अक्के दिशामे जैटी रहल मोटरसाइकल डल्लपमे टकराके कैलारी गाउँपालिकाके स्वास्थ्य शाखाअन्तर्गतके एक कर्मचारीके ज्यान गैल रहे । ग्रामीण क्षेत्रमे डल्लपमे तीव्र गतिके सवारी साधन टकराके कैयौं दुर्घटना हुइटी रहल ट्राफिक प्रहरी जानकारी डेले बा । डल्लपके आघे पाछेक भागमे रिफ्लेक्ट स्टिकर टाँसलमे सवारी साधनके बत्तीके प्रकाश परटी किल स्टिकर टल्कना ओ वहाँ डल्लप रहल पटा हुइना प्रहरी सहायक हवल्दार बोहरा बटैलै ।

जनाअवजको टिप्पणीहरू