थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० माघ २६४८, बुध ]
[ वि.सं ३० माघ २०८१, बुधबार ]
[ 12 Feb 2025, Wednesday ]

युनिक नेपालसे १० लाख विमा रकम हस्तान्तरण

पहुरा | २६ पुष २०८१, शुक्रबार
युनिक नेपालसे १० लाख विमा रकम हस्तान्तरण

निर्मल रैका
धनगढी, २६ पुस ।
युनिक नेपाल लघुवित्त वित्तीय संस्था लिमिटेडसे सेवाग्राही सदस्यके परिवारहे विमा रकम हस्तान्तरण करले बा ।

वित्तीय संस्थाके खजुरा शाखा अन्तगरत केन्द्र सदस्य तस्लीमा खातुन खाँ के कालगतिके कारण निधन हुइलपाछे उहाँक परिवारके हकवाला छाई जाहिदा खातुन खाँहे विमा वाफतके रकम हस्तान्तरण करल हो ।

युनिक नेपाल लघुवित्त वित्तीय संस्था लिमिटेडके कार्यकारी निर्देशक तथा लघुवित्त विज्ञ डा. गोपाल दहितके अनुसार सदस्यसे ऋण लेहल वाफत गोसियाके रु १०० के एक वर्षके विमा करेबेर केलफे कौनो घटना हुइलेसे युनिकसे रु ३० हजारसमके किरिया खर्च सुविधा डेना ओ सदस्य कालगतिके कारण निधन हुइल हकमे १३५ प्रतिशत सुविधा प्रदान कैना साथे नियमानुसार विमा सुविधा तथा तिर्न बाँकी कर्जा समेत तिरे नैपर्ना बटैलै ।

पुर्व मन्त्री समेत रहल दहितसे युनिक नेपाल लघुवित्त वित्तीय संस्था लिमिटेड दुःख ओ सुख दुनुमे साथ सहयोग तथा सेवाग्राही मुखी रहल समेत रहल बटैलै । सामाजिक अभियन्ता डा. दहितसे एक कार्यक्रमके आयोजना करके युनिक नेपाल वित्तीय संस्थासे लेहल कर्जा विमा वापतके राहत सुविधा रकम रु.१० लाख १४ हजार ४२४ रुप्या भुक्तानी करल बटैलै ।
उहाँ सदस्यके कालगतिसे मृत्यु हुइल ओरसे हुकान आश्रित परिवारहे नगद राहत उपलब्ध करैनाके साथे तिर्न बाँकी कर्जा तिरे नैपर्ना हुइल हो ।

राहत सुविधा रकम खजुरा गाउँपालिका कार्यपालिका सदस्य सुग्गुन हरिजनसे हस्तान्तरण करल रही ।
कार्यपालिका सदस्य हरिजनसे युनिक नेपाल लघुवित्त वित्तीय संस्थासे गरिव तथा विपन्न वर्गके परिवारहुकनके आर्थिक तथा सामाजिक विकासमे युनिक संस्थासे योगदान पुगाइल बटैली । साथे युनिक नेपालसे ग्राहक संरक्षणमे करटी रहल कार्यके प्रशंसा समेत करली ।

उ विमा राहत भुक्तानी कार्यक्रममे युनिक नेपाल लघुवित्त वित्तीय संस्था लिमिटेडके कार्य सञ्चालन तथा कर्जा विभाग प्रमुख मदन चौधरी, सामान्य सेवा विभाग प्रमुख नरेन्द्र थारु, केन्द्र सदस्य लगायतके सहभागिता रहल रहे ।

जनाअवजको टिप्पणीहरू