रामजानकी सामुदायिक वनके १०औं वार्षिक साधारणसभा

जीवन चौधरी
पहलमानपुर, २७ पुस । कैलालीके घोडाघोडी नगरपालिका–११, मुर्गाहवामे रहल रामजानकी सामुदायिक वन उपभोक्ता समुहके १०औं वार्षिक साधारणसभा सम्पन्न हुइल बा ।
समुहके अध्यक्ष चन्द्रबहादुर चौधरीके अध्यक्षतामे हुइल काय्र्रक्रममे सिएफसिसि पहलमानपुरके अध्यक्ष पुष्कल बम रहल रहिट । उहाँ बन संरक्षण कैना सक्कु जानेक दायित्व रहल बटैलै । विशिष्ट पहुना सव डिभिजन वन कार्यालय सुखडके वनरक्षक डबलबहादुर साउद बनुवा मानव जीवनसे जोरसे ओरसे जोगैना आवश्यक रहल बटैलै ।
कार्यक्रममे तिल्कहनीपुर सामुदायिक वनके सल्लाहकार चन्द्रशेखर पन्त, पकरिया सामुदायिक वनके सदस्य रामबहादुर चौधरी, खप्तड समुहके सदस्य मान प्रसाद आचार्य, पहुराके समाचारदाता जीवन चौधरीलगायत मन्तव्य व्यक्त करल रहिट ।
समुहके लेखा समिति संयोजक प्रदेशु चौधरी २१ लाख २९ हजार ९९५ रुप्याके आयव्यय प्रस्तुत करल रहिट । संचालन समुहके उपाध्यक्ष विरेन्द्रलाल चौधरी करल रहिट । यिहे विच वरका पहुना ओ विशिष्ट पहुना जुगराम चौधरीहे सम्मान कैगिल बा ।
