थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

चैतन्य पाठशाला विद्यार्थी महोत्सव

पहुरा | ५ माघ २०८१, शनिबार
चैतन्य पाठशाला विद्यार्थी महोत्सव

‘ज्ञानके जागरण, संस्कृतिके सम्मान, नव प्रवर्तनके प्रवाह’

पहुरा समाचारदाता
धनगढी, ५ माघ ।
चैतन्य पाठशाला विद्यार्थी महोत्सव २०८१ ज्ञान, संस्कृति ओ नवप्रवर्तनके अनुपम उदाहरण प्रस्तुत करटी सफलतापूर्वक सम्पन्न हुइल बा ।

चैतन्य पाठशालाके आयोजनामे पुस २७ गतेसे सुरु हुइल प्रथम चैतन्य विद्यार्थी महोत्सवमे मेरमेराइक कार्यक्रम कैगिल रहे । महोत्सवके पूर्व सन्ध्या कार्यक्रममे सम्पदा सरसफाई, विद्यालय वरपर सरसफाई कार्यक्रम, रक्तदान कार्यक्रम कैगिल रहे ।

पुस २७ गते उदघाटन समारोह वनदेवी मन्दिर धनगढीसे प्रभावफेरी, विशेष झाँकी ( छलिया, भुवा, सखिया, होली, पञ्चे बाजा, गौरा झाँकी) विश्वहिन्दु परिषद् नेपाल, चैतन्य पतञ्जली योग केन्द्र, चैतन्य पाठशाला तेक्वान्दो डोजाङ, चैतन्य लोकसेवा तयारी धनगढीके सहभागिता रहे ।

उदघाटन कार्यक्रमके वरका पहुना सुदूरपश्चिम प्रदेशके मुख्यमन्त्री कमल बहादुर शाह रहल रहिट । कार्यक्रममे मानवसेवा आश्रमके संस्थापक मानवसेवाके दिव्ययत्र रामजी अधिकारी, दृष्टि फाउन्डेसनके संस्थापक कल्पना भट्ट, बौद्धिक बहस ,“प्रा डा हेमराज पन्त, मूल्यमे आधारित शिक्षा आजके आवश्यकताबारे ऐश्वर्य बहुमुखी क्याम्पसके क्याम्पस प्रमुख धर्मदेव भट्टसे बहस कार्यक्रम कैगिल रहे ।

पुस २८ गते पठन संस्कृतिबारे टक शो हुइल रहे । जेम्ने वक्ताः सहायक प्रा. सीताराम भट्ट रहल रहिट । भुस्वर्गके परिकल्पना सुदूरपश्चिम नेपालबारे विशेष सत्र हुइल रहे । ओम्ने वक्ता वरिष्ठ पाइलट क्याप्टेन बेद उप्रेती रहल रहिट ।
राजनीति राष्ट्र निर्माणके संवाहकबारे टक सो हुइल रहे । ओम्ने बक्ताके रुपमे माननीय धर्मराज पाठक, माननीय डा. तारा प्रसाद जोशी रहल रहिट ।

पुस २९ गतेक दिन थारु संस्कृति विशेष, माघी मिलन कार्यक्रम, थारु अगुवाहुकनहे सम्मान, विद्यार्थीके लाग खेलकुदके महत्वबारे ओलम्पियान दीपक विष्ट आपन बाट राखल रहिट ।

माघ १ गते राष्ट्रिय योग दिवसके अवसरमे यज्ञ तथा हवन हुइल रहे । ओम्ने प्रमुख वक्तामे पतञ्जली नेपालके केन्द्रीय प्रभारी लव देव रहल रहिट । युवा उद्यमशीलता सत्रके वक्तामे शैलेश सिंह ओ ठाकुर प्रसाद करियाप्रधान रहल रहिट ।

माघ २ गते स्वामी १००८ श्री लोकनन्द जी महाराजसे संस्कार शिक्षा प्रवचन हुइल रहे । नीति ओ समृद्धिके अन्तर सम्बन्ध सत्रके वक्तामे सुदुरपश्चिम नीति तथा योजना आयोगके उपाध्यक्ष डा. जीवन राना रहल रहिट । उद्यमशीलताके अवसरबारेक बहसमे वक्ता कैलाली उद्योग वाणिज्य संघके वरिष्ठ उपाध्यक्ष पुष्कर राज ओझा, उपाध्यक्ष दिनेश लम्साल रहल रहिट ।

माघ ३ गतेके महोत्सवमे अन्तरविद्यालय नृत्य प्रतियोगिता, डा. ओ इन्जिनियर बन्न सपनाबारे प्राज्ञिक बहसके वक्ताः डा. गणेश फुलारा ओ ई. दीर्घराज जोशी रहल रहिट ।

माघ ४ गते प्रतिभा खोजी प्रतियोगिता, मिस एन्ड मास्टर चैतन्य प्रतियोगिता, आर्ट प्रशिक्षण हुइल रहे । ओम्ने प्रशिक्षकमे सङे शेर्पा रहल रहिट । साहित्यिक प्रस्तुतिमे साहित्यकार रामलाल जोशी, यज्ञराज उपाध्याय, ओ कोपिला शर्मा रहल रहिट ।
सांगीतिक प्रस्तुतिमे प्रमुख कलाकारः कृष्णा सिरदी, अछामी रेखा भीम बिष्ट, सनम परियार सुरेन्द्र संगम, प्रेम पौडेल, निर्मला विष्ट, मिना बुढा रहल रहिट ।

ओस्टेक प्रथम चैतन्य विद्यार्थी महोत्सवके अन्तिम दिन माघ ५ गते समापनके दिन प्रमुख अतिथिमे डा. नवराज लम्सालसे अक्षरके अद्वितीय अनुभूतिमे काव्य विमर्श, पोडकास्ट स्टुडियो उदघाटन करल रहिट । विशेष अतिथि विश्वके कान्छी भागवत वाचिका अनुराधा पाण्डे रहल रहिट ।

ओस्टेक करके प्रतियोगिताफे हुइल रहे । ओम्ने अभिभावक नृत्य प्रतियोगिता, अन्तरविद्यालय कविता, चित्रकला, हाजिरीजवाफ, बुद्धिचाल ओ पुस्तक समीक्षा प्रतियोगिता, स्क्र्याबल प्रतियोगिता, पुरस्कार वितरण कैगिल बा ।

महोत्सव अवधिमे हुइल टमान प्रतियोगितामे पहिल हुइल ७ जनहनहे ७ हजारके दरसे ४९ हजार बराबरके पुरस्कार वितरण कैगिल बा । दुसरा स्थान हासिल करुइयाहे ५ हजारके दरसे ७ जनहनहे ३५ हजार नगद पुरस्कार वितरण कैगिल बा । टिसरा स्थान हासिल करुइयाहे ३ हजारके दरसे ७ जनहनहे २१ हजारके नगद पुरस्कार वितरण कैगिल बा ।

ओस्टेक करके सान्तोना पुरस्कार २ हजार करके १ लाख ७ हजारके नगद पुरस्कार वितरण करल विद्यालयके प्रिन्सिपल कटकबहादुर सिंह जनैलै ।

सामाजिक उत्तरदायित्व अन्र्तगत २ लाख ५१ हजार १०१ राशीके दृष्टि फाउन्डेसनके अक्षयकोष स्थापना, प्याब्सन कैलाली कार्यसमितिहे सम्मान ओ प्याब्सन कैललीहे कार्यालय प्रयोजनके लाग १ थान ल्यापटप प्रदान कैगिल बा । उ ल्यापटप नवनिर्वाचित प्याब्सन कैलालीके अध्यक्ष जयकृष्ण तिमिल्सेना हे हस्तान्तारण कैगिल रहे । चर्चित क्रिकेटर नरेन साउदहे १० हजार सहित सम्मान कैगिल प्रिन्सिपल सिंह जनैलै । महोत्सव अवधिभर ५ हजारसे ढेर दर्शक सहभागिता रहल रहे ।

जनाअवजको टिप्पणीहरू