सरोज बन्लै ३० चो भल्मन्सा
पहुरा |
५ माघ २०८१, शनिबार

पहुरा समाचारदाता
धनगढी, ५ माघ । कैलाली जिल्लाके धनगढी उपमहानगरपालिका वडा नम्बर ८ धनगढी गाउँमे सरोज चौधरी अशौ ३० फेरा लगतार भल्मन्सा बनल बटै ।
शनिच्चरके रोज हुइलक कचेहरीसे उहाँ यी बरस ३० फयारा भल्मन्सा बनलक हुइट । यिहीसे आघे सरोज चौधरीके बाबा रामचन्द्र चौधरी ओ बुदुफे आपन गाउँमे आपन पुरा जीवनकाल भल्मन्सा खेलाइल रहिट । सरोज चौधरी टिसरा पुस्ताके भल्मन्सा हुइट ।
धनगढी उपमहानगरपालिका वडा नम्बर ८ के वडा अध्यक्ष जुगराम चौधरीके बरका पहुनामे हुइल भुरा खेलसे उहाँहन यी बरसफे निर्विरोध भल्मन्सामे चुनगिलक हो ।
वसहेक चौकीदार पदमे चौठा फयारा लगतार कन्हैया चौधरीहे सर्वसम्मतसे निर्विरोध निर्वाचित कैगिलक थाकसके नगर सभापति सूर्य चौधरी जनैलै ।
