थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

मजगाउँमे माघ महोत्सव हुइना

पहुरा | १० माघ २०८१, बिहीबार
मजगाउँमे माघ महोत्सव हुइना

पहुरा समाचारदाता
धनगढी, १० माघ ।
थारू समुदायके हेरैटी गैल लोककला, रिती संस्कृति, संरक्षण सम्र्बद्धन तथा पहिचान बचाइक लाग मजगाउँमे माघ महोत्सव २०८१ हुइना हुइल बा ।

‘संस्कृति संरक्षण, स्थानीय पर्यटन ओ आधुनिक कृषि प्रर्वद्धनके लाग एकजुट हुइ’ कना मुल नाराके साथ गोदावरी नगरपालिका वडा नम्बर ८ मजगाउँमे तीनदिने माघ महोत्सव आयोजना हुइना हुइल हो ।

थारू कल्याणकारिणी सभा गोदावरी नगरसमिति ओ बरघर भलमन्सा नगरसमितिके आयोजना ओ मजगाउँ थारु समुदायिक होमस्टे ओ न्यू खुँटिया चारपाटे युवा क्लबके सहकार्यमे महोत्सव आयोजना हुइ लागल हो ।

महोत्सव इहे माघ १२, १३ र १४ गते आयोजना करे लागल थारु कल्याण कारिणी सभा गोदावरी नगर अध्यक्ष जनकलाल चौधरी बटैलै । उहाँ थारू समुदायके लोककला, रितीसंस्कृति, गीतबास, रितीरिवाज, चालचलन बोलीभाषा संरक्षण सम्बद्धनके लाग महोत्सव आयोजना करे लागल बटैलै ।

‘थारू समुदायके पहिचानसँग जोरल लोककला, रितीसंस्कृति, गीतबास, रितीरिवाज, चालचलन, बोलीभाषा, लवाई खवाई दिनप्रति दिन हेरैटी गैल बा, उहीहे संरक्षण सम्वद्र्धनके लाग महोत्सव आयोजना करे लागल बाटी’,उहाँ कहलै ।

थाकस कैलालीके पूर्व कावा सभापति माधव चौधरी थारू समुदायके संस्कृति संरक्षण तथा ऐतिहासिक बस्तु जगेर्ना कैना उद्देश्य सहित महोत्सव आयोजना करे लागल बटैलै । यकर साथ उहाँ स्थानीय पर्यटन, आधुनिक कृषि प्रवर्धन ओ पर्यावरण संरक्षणके लाग फेन महोत्सव आयोजना करे लागल बटैलै ।

उहाँ कहलै,‘थारू समुदाय लोककला, रितीसंस्कृति ओ ऐतिहासिक बस्तुके जगेर्ना ओ स्थानीय पर्यटन तथा आधुनिक कृषि प्रर्वद्धनके लाग महोत्सवके आयोजना करे लागल बाटी । इहीसे समाजके लाग सकारत्मक भूमिका खेल्ना बा ।’

महोत्सवमे स्थानीय भाँकी प्रदर्शनके साथे थारू राष्ट्रिय कलाकारनके बेजोड प्रस्तुति रहना बा । महोत्सवमे ऐतिहासिक थारू खानपानके व्यवस्था, थारू कला संस्कृतिके जगेर्ना सम्बन्धी विविध कार्यक्रम, थारू समाज सेवा तथा प्रतिभावान व्यक्तिहे सम्मान, हिरोल्ना, चर्खा तथा अन्य रमाइलो मेला प्रदर्शन हुइना आयोजक जनैले बा ।

महोत्सवमे थारू परिकार, कृर्षि उपज, स्थानिय उत्पादन लगायतके स्टल रहना बा ।

जनाअवजको टिप्पणीहरू